خالد نے وزن کیسے کم کیا؟

غیر معمولی موٹاپے کا شکار لڑکے کو علاج کے لیے کرین کے ذریعے اسپتال منتقل کیا گیا۔ فوٹو:انٹرنیٹ

سعودی نوجوان نے تقریباً 550 کلو وزن کم کرکے سب کو حیران کردیا۔

عام طور پر موٹاپے کا شکار لوگ اپنا وزن کم کرنے کے لیے طرح طرح کے جتن کرتے ہیں اور  اس قدر محنت و مشقت کے بعد بھی ان میں معمولی سا فرق آتا ہےلیکن سعودی عرب میں ایک نوجوان ایسا بھی ہے جس نے80فیصد وزن گھٹا کر خود کو نارمل زندگی کے قابل بنا لیا۔

خالد کو ہیوی مشینری کے ذریعے فائر فائٹرز ،میڈیکل ٹیم اور ریسکیو اہلکاروں کی نگرانی میں اسپتال منتقل کیا گیا جہاں اس غیرمعمولی جسامت کے حامل شہری کا وزن کم کرنے کے لیے خصوصی میڈیکل ٹیم تشکیل دی گئی  اور ماہر ڈاکٹرز کی زیرِ نگرانی اس کا علاج کیا گیا۔

موٹاپے سے چھٹکارا پانے کے بعدسوشل میڈیا پر خالد الشعاری کی تصاویر پوسٹ کی گئیں تو دیکھنے والے دنگ رہ گئے اور نئی زندگی کا آغاز کرنے پر مبارکباد کے ساتھ ساتھ نیک تمناؤں کا اظہار بھی کرتے رہے۔