انّڈیا: اپنے عاشق کو شوہر کا چہرہ دینے کی سازش پر خاتون گرفتار
انڈیا میں ایک جوڑے کو گرفتار کیا گیا ہے جن پر عورت کے شوہر کو قتل کرنے اور پھر پلاسٹک سرجری کے بعد ایک دوسرے مرد کے اس کی جگہ لینے کی کوشش کا الزام ہے۔
اس مقصد کے لیے پہلے سواتی ریڈی نامی عورت نے اپنے سودھاکر ریڈی شوہر کو قتل کیا اور بعد میں اس کے عاشق راجیش اجکولو کے چہرے پر تیزاب پھینکے جانے کا ڈرامہ کیا گیا۔
جنوبی ریاست تلینگانہ کی پولیس کا کہنا ہے کہ ان دونوں کا خیال تھا کہ سرجری کے بعد ان کی شکل مقتول شوہر جیسی کروا لی جائے گی۔
سودھاکر ریڈی کے والدین نے تیزاب کے حملے کی کہانی کو سچ تسلیم کر لیا اور ہسپتال کے اخراجات بھی انھوں نے اٹھائے۔
لیکن جب اس کے بھائی اسے دیکھنے ہسپتال گیا تو اسے شک ہوگیا۔ اس کے پولیس کو خبر کر دی جس نے اس شخص کے انگلیںو کے نشانات کی جانچ کی اور ان میں فرق پایا۔
اس شخص کے بھائی نے جوڑے کے خلاف قتل کا مقدمہ درج کروایا ہے۔
سواتی ریڈی کو گرفتار کیا جاچکا ہے۔ پولیس نے بی بی سی تلیگو کو بتایا کہ راجیش اجکولو کو بھی جھلسنے کے علاج کے بعد گرفتار کر لیا جائے گا۔
خیال ہے کہ مقتول سودھاکر ریڈی کو 26 نومبر کو قتل کیا گیا اور اگلے ہی دن ان کی لاش کو ٹھکانے لگا دیا گیا۔ لاش ابھی برآمد نہیں کی گئی۔
پولیس کے مطابق خاتون کے اعتراف کر لیا ہے کہ انھوں نے سودھاکر ریڈی کو قتل کر دیا ہے۔
راجش کو 28 نومبر کو ہسپتال داخل کروایا گیا اور سواتی ریّی نے اپنے شوہر کے خنادن والوں کو اطلاع کی کہ ان پر تیزاب سے حملہ ہوا ہے۔
سودھاکر ریڈی کے والدین نے اسے اپنا بیٹا سمجھ کر اس کے علاج کے لیے پانچ لاکھ کی رقم خرچ کی۔
- ایرانی جوہری تنصیب اور ڈرون و بیلسٹک میزائل تیار کرنے والی فیکٹریوں کے مرکز اصفہان کی سٹریٹجک اہمیت کیا ہے؟ - 20/04/2024
- غزہ کی وہ تصویر جسے ’ورلڈ پریس فوٹو آف دی ایئر‘ کا ایوارڈ ملا: ’اس لمحے میں غزہ کے درد کی داستان موجود ہے‘ - 19/04/2024
- کراچی میں جاپانی شہریوں پر حملہ کیسے ناکام ہوا؟ - 19/04/2024
Facebook Comments - Accept Cookies to Enable FB Comments (See Footer).