باہمی رضامندی سے مذاکرات کا وقت آگے بڑھایا : وکاس سوارپ


\"india\"وکاس سوارپ نے کہا پٹھان کوٹ حملے پر پاکستانی ٹیم بھارت آئی تو مزید ثبوت فراہم کریں گے۔ جیش محمد کے کارکنوں کی گرفتاری مثبت اقدام ہے۔
ترجمان بھارتی وزارت خارجہ وکاس سوارپ نے میڈیا بریفنگ دیتے ہوئے کہا پاک بھارت سیکریٹری خارجہ مذاکرات باہمی رضامندی سے آگے بڑھائے ہیں اور جلد نئے شیڈول کا اعلان کیا جائے گا۔ اس حوالے سے دونوں ملکوں کے سیکریٹری خارجہ رابطے میں ہیں۔ ان کا مزید کہنا تھا پٹھان کوٹ حملے میں تحقیقات کے پاکستانی اعلان کا خیر مقدم کرتے ہیں اور جیش محمد کے خلاف پاکستان کی کارروائی قابل تعریف ہے۔ وکاس سوارپ نے کہا پٹھان کوٹ حملے کے حوالے سے پاکستان کی تحقیقاتی ٹیم بھارت آتی ہے تو ہم ان کا خیر مقدم کریں گے۔


Comments

'ہم سب' کا کمنٹس سے متفق ہونا ضرور نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔