کینیڈا میں ’ارب پتی جوڑے کی مشکوک ہلاکت‘
کینیڈا میں پولیس کا کہنا ہے کہ ٹورونٹو میں ملنے والے ایک ارب پتی جوڑے کی ہلاکت کے احوال مشکوک ہیں۔ جمعے کے روز بیری شرمین اور ان کی بیوی کی لاشیں ان کے گھر کے تہہ خانے سے ملیں تھیں۔
اطلاعات کے مطابق جوڑے کی لاشیں ایک ریئل اسٹیٹ ایجنٹ کو ملیں جس نے فوراً پولیس کو اطلاع کی۔
بیری شرمین اپوٹیکس نامی دوا ساز کمپنی کے بانی اور چیئرمین تھے جو کہ دنیا بھر میں جنیرک ادویات فروخت کرتی ہے۔
بیری شرمین کینیڈا کے امیرترین لوگوں میں سے ایک تھے اور نمایاں مخیر تھے۔
پولیس نے ان کی ہلاکت کے احوال کی تفصیلات نہیں دیں اور نہ ہی انھوں نے مرنے والوں کی شناخت کی تصدیق کی۔ تاہم ہلاکت کی خبر پر مرنے والوں کی شناخت کی تصدیق دوستوں نے کی ہے۔
Sophie and I are saddened by news of the sudden passing of Barry and Honey Sherman. Our condolences to their family & friends, and to everyone touched by their vision & spirit.
— Justin Trudeau (@JustinTrudeau) December 16, 2017
کینیڈا کے وزیرِ صحت نے ٹوئٹر پر کہا ہے کہ ’میرے پاس اب الفاظ نہیں ہیں۔ میرے پیارے دوست بیری اور ہنی شرمین ہلاک ہوگئے ہیں۔ بہترین انسان، کمال کے مخیئر، اور شعبہِ صحت کے لیڈر۔‘
وزیراعظم جسٹن ٹروڈو نے بھی ٹوئٹر پر جوڑے کے خاندان کے ساتھ تعزیت کی ہے۔
پولیس ترجمان نے بتایا کہ جمعے کے روز دوپہر بارہ بجے کے قریب پولیس کو شرمین رہائش گاہ پر مدعو کیا گیا۔
پولیس کا کہنا ہے ان کی ہلاکت کا سیاق و سباق قدرے مشکوک ہیں اور پولیس اس واقعے کو اسی نظر سے دیکھ رہی ہے۔
تاہم بعد میں پولیس نے بتایا کہ اس گھر میں کسی کے زبردستی داخل ہونے کے کوئی شواہد نہیں ملے۔
حال ہی میں اس جوڑے نے اپنے مکان کو فروخت کرنے کا پلان بنایا تھا اور ان کی لاشیں اس ریئل اسٹیٹ ایجنٹ کو ملیں جو کہ اسے فروخت کے مقصد سے گاہکوں کو دیکھانے کے لیے تیار کرنے آیا تھا۔
فوربز میگزین کے اندازے کے مطابق بیری شرمین کے اثاثہ جات 3.2 ارب ڈالر کی مالیت کے تھے۔
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- ہیلری کلنٹن کے ساتھ کام، غزہ جنگ پر ’خاموشی‘: غزہ کے لوگوں کے لیے میری حمایت پر کوئی کنفیوژن نہیں ہونی چاہیے، ملالہ یوسفزئی کا تنقید پر جواب - 25/04/2024
Facebook Comments - Accept Cookies to Enable FB Comments (See Footer).