جب مل جانا مقدر ہوتا ہے!


کبھی کبھی ایسے اتفاق ہوتے ہیں جنہیں سن کر حیرانی کے ساتھ لبوں پر مسکراہٹ بھی بکھر جاتی ہے اور ایسا ہی لندن میں ایک نئے منگنی شدہ جوڑے کے ساتھ ہوا ہے۔

منگنی کے بعد اس جوڑے نے بچپن کی تصویریں ایک ساتھ دیکھیں تو یہ دلچسپ حقیقت سامنےآئی کہ لڑکی کی بچپن کی ایک یادگار تصویر میں ان کے منگیتر بھی موجود ہیں جو بیک گراؤنڈ میں ہیں۔

یہ دیکھنے کے بعد دونوں نے اپنے اہل خانہ کو بھی تصویر دکھائی اور بتایا کہ عجیب اتفاق ہے کہ ہم دونوں بچپن کی ایک یادگار تصویر میں ساتھ موجود ہیں ۔

 

لڑکی نے انسٹاگرام پر خود کو پروپوز کئے جانے کے وقت کی بھی تصویر شیئر کی اور اپنے بچپن کی وہ تصویر بھی جس میں ان کے شریک حیات پس منظر میں دکھائی دے رہے ہیں۔

لندن سے تعلق رکھنے والی ویرونا وینٹی کی جانب سے شیئر کردہ تصویر سوشل میڈیا پر خوب وائرل ہورہی ہے جس پر صارفین دلچسپ تبصرے بھی کر رہے ہیں۔


Facebook Comments - Accept Cookies to Enable FB Comments (See Footer).