مشترکہ مفادات کونسل کا مردم شماری موخر کرنے کا فیصلہ


\"mardamوزیراعظم نواز شریف کی زیرصدارت مشترکہ مفادات کونسل نے اتفاق رائے سے ایک مرتبہ پھر مردم شماری کو موخر کرنے کا فیصلہ کیا ہے۔
ایک نجی ٹی وی چینل کے مطاق وزیراعظم نوازشریف کی زیرصدارت مشترکہ مفادات کونسل کا اجلاس ہوا جس میں چاروں صوبوں کے وزرائے اعلی اور محکمہ شماریات کے افسران نے شرکت کی۔ اس موقع پر سیکرٹری محکمہ شماریات نے بریفنگ دیتے ہوئے بتایا کہ مردم شماری پورے ملک میں ایک ہی وقت میں کی جائے گی جس میں شفافیت برقرار رکھنے کے لے پاک فوج کے 3 لاکھ اہلکاروں کی ضرورت ہے لیکن مسلح افواج اس وقت آپریشن ضرب عضب میں مصروف ہیں۔
اجلاس میں اتفاق رائے سے فیصلہ کیا گیا کہ مردم شماری کا مرحلہ وارانعقاد کیا گیا تو یہ عالمی معیار کے طے شدہ طریقہ کار کی خلاف ورزی ہوگی اس لئے مردم شماری کا مرحلہ وار انعقاد ممکن نہیں جب کہ مردم شماری پرصوبائی حکومتوں اور مسلح افواج کے ساتھ دوبارہ مشاورت کی جائے گی۔

image_pdfimage_print

Comments - User is solely responsible for his/her words

اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں