کارنیل ویسٹ: امریکہ کا انسان دوست فلسفی اور مزاحمتی ادیب


کارنیل رونالڈ ویسٹ ( Cornel Ronald West)، امریکی فلسفی، ماہر مذھبیات، عوامی دانشور، مزاحمت کار، استاد اور ادیب ہیں۔ وہ 2 جون 1953 میں امریکی ریاست اوکلوھوما کے شہر ‘ تلسا’ میں پیدا ھوئے۔ نوجوانی کے دن کیلےفورینا کے درالحکومت ‘ سیکریمنٹو’ میں بسر ھوئے۔ کارنیل ویسٹ نے انڈر گریجویٹ ڈگری ہارورڈ یونیورسٹی سے حاصل کی۔ وہ پہلے سیاہ فام امریکی تھے جنہوں نے 1980 میں پرنسٹن یونیورسٹی سے فلسفے میں پی ایچ ڈی کی سند حاصل کی۔ وہ ہارورڈ یونیورسٹی میں پروفیسر رھے۔ 2002 میں کارنیل ویسٹ کا ہارورڈ یونیورسٹی کے صدر لارنس سے انقلابی اور لبرل مذھبی سوچ کے سبب شدید اختلاف اور تنازع پیدا ھوا اور وہ ہارورڈ یونیورسٹی کو خیر باد کہنے پر مجبور ہو گئے اور پھر جامعہ پرنسٹن میں پروفیسرمقرر ہوئے۔ آج کل نیویارک کی” یونین تھیولوجیکل سمینری” میں تدریسی فرائص انجام دے رھے ہیں۔ وہ پیرس یونیورسٹی میں بھی پڑھاتے ہیں۔ ان کا اصل تدریسی میدان ‘ امریکی نسلی مطالعے’ ہیں۔
ان کے والد اوردادا بیپٹست گرجے کے مبلغ تھے۔ ابتدائی مذھبی تعلیم حاصل کرنے کے بعد انھوں نے سیاست میں دلچسپی لینا شروع کی۔ انھوں نے متعدد بارانسانی اور شہری آزادیوں کے حصول کے لیےاور امریکہ میں اقلیتوں پر مظالم کے خلاف بڑے بڑے جلسے، جلوسوں اور مظاہروں میں شرکت کی۔ وہ بچپن میں میلکم ایکس (1925۔1965 ) کی عسکریت پسند متشدد تنظیم ‘ بلیک پینتھر’ سے متاثر رھے۔ کارنیل ویسٹ سیاسی طور پر “سوشلسٹ ڈیموکریٹ” مشہور ھوئے مگر وہ زیادہ تر مذھبی اور نسلی مطالعوں اور مباحث میں مصروف رھے۔ وہ اپنے آپ کو ‘غیر مارکسی سوشلسٹ’ کہتے ہیں کیونکہ ان کو کارل مارکس (1818.1883) کے مذہبی نظریات اور خیالات سے اتقاق نہیں ھے۔ کارنیل ویست مارکس کے معاشی نظریات، تاریخی مادیت، طبقاتی جدوجہد، قدر زائد، استحصال اور مغائرت کے نظریات اور تصورات کو تسلیم کرتے ہیں۔

کارنیل ویسٹ عوامی قسم کے دانشور ہیں۔ وہ غریبوں کے کھانے پینے کے کئی منصوبوں کے سرپرست ہیں۔ گرجوں میں بھی سرگرم ہیں۔ جیلوں میں میں قیدیوں کی بہبود میں بڑھ چڑھ کر حصہ لیتے ہیں۔ ویسٹ امریکہ کی ایک چھوٹی سی سیاسی جماعت، ” ڈیموکریٹ سوشلسٹ امریکہ ” کے بنیادی اور سرگرم رکن ہیں۔ وہ امریکی صداراتی انتخابات میں ڈیموکریٹ پارٹی کا ساتھ دیتے ہیں۔ مگر اس کی غلط پالیسوں پر نہایت دلیری سے کھل کر تنقید بھی کرتے ہیں۔

2000 ء میں ڈیموکریٹ پارٹی کے صداراتی بل بریڈلے کے مشیر خصوصی تھے۔ عراق جنگ کے موقعے پر انھوں نے سابق صدر بش کی پالیسوں پر نکتہ چینی کرتے ھوئے اسے ‘غیر سچی حکمت عملی’ کہا۔ کارنیل ویسٹ بنیادی طور پر ادبی نقاد نہیں ہیں لیکن انھوں نے ادبی نظریاتی تنقید اورادبی مباحث اور مکالموں میں بڑھ چڑھ کر حصہ لیا۔ ان کی ادبی فکریات منفرد نوعیت کی ہیں۔ کچھ دن قبل ان کا ناول نگار بیں اوکری (BEN OKRI) سے “ادب اور قوم” کے موضوع پر بڑے معرکے کا مکالمہ ھو چکا ھے۔ فلسفی پاسکل اور روسی ادیب چیخوف کا گہرا مطالعہ کرچکے ہیں۔

1994 میں ان کی امریکی نسلی تعلقات پر ایک کتاب شائع ھوچکی ھے جس کی چار/4 سو ہزار جلدیں فروخت ھوچکی ہیں۔ وہ بیس 20 سے زائد کتابیں لکھ چکے ہیں۔ پچیس 25 سے زیادہ دستاویزی فلموں میں جلوہ گر ھوچکے ہیں۔ کارنیل ویسٹ اپنے آپ کو ‘پیامبر’ کہتے ہیں۔ وہ نئی عملیت، استدلال، فلسفہ، نسلیات، ماورائیت،افریقی مطالعے، تاریخیت، مارکیست،الہیات اور اور جمہوری دبستانوں سے منسلک ہیں۔ انھوں نے مارکس کی تاریخی مادیت کا اچھوتے انداز میں مطالعہ اور تجزیہ کیا ھے اور مارکس کے اخلاقی نظریات کو نئی جہات کے ساتھ پیش کیا۔ جو ساختیاتی نقد وفکر کی منہاجیات سے قریب ھے۔ کارنیل ویسٹ نے کئی امریکی سازشی نظریات کو بے نقاب کیا ھے۔


کچھ ماہ قبل انھیں پرنسٹن کے کیمپس میں دیکھا تھا۔ وھی ساٹھ کی دہائی کے سیاہ فام امریکی انقلابی مزاحمت کار کی وضع قطع، چہرے پر بے ہنگم ڈارھی، بے ترتیب دانت، چہرے پر کالے فریم کا موٹا چشمہ، چال میں سبک رفتاری اور وھی روایتی سیاہ نوجوانوں والی حرکات و سکنات ان کے مزاج کا امتیازھے۔ 104 فارن ہائیٹ گرمی میں تھری پیس سوٹ پہنے، پسنے میں شرابور چلے جا رہے تھے۔ کارنیل ویسٹ عہد حاضر کے ایک انسان دوست، عوامی فلسفی اور روشن خیال دانشور ہیں۔ مغرب سے باہر ان کو لوگ قدرے کم ھی جانتے ہیں۔ اردو میں ان کی فطین طبع فکریات پرابھی تک غالبا کوئی تحریر نظر سے نہیں گزری۔ ان کی کتابوں کی فہرست یہ ھے۔

Black Theology and Marxist Thought (1979);
Prophesy Deliverance! An Afro-American Revolutionary Christianity (1982);
Prophetic Fragments (1988);
The American Evasion of Philosophy: A Genealogy of Pragmatism (1989);
Breaking Bread: Insurgent Black Intellectual Life (with bell hooks, 1991);
The Ethical Dimensions of Marxist Thought (1991);
Beyond Eurocentrism and Multiculturalism (1993);
Race Matters (1994);
Keeping Faith: Philosophy and Race in America (1994);
Jews and Blacks: A Dialogue on Race, Religion, and Culture in America (with rabbi Michael Lerner, 1995);
The Future of the Race (with Henry Louis Gates, Jr., 1996);
Restoring Hope: Conversations on the Future of Black America (1997);
The War Against Parents: What We Can Do For America’s Beleaguered Moms and Dads (with Sylvia Ann Hewlett, 1998);
The Future of American Progressivism (with Roberto Unger, 1998);
The African-American Century: How Black Americans Have Shaped Our Century (with Henry Louis Gates, Jr., 2000);
Cornel West: A Critical Reader (George Yancy, editor) (2001);
Democracy Matters: Winning the Fight Against Imperialism (2004);
Commentary on The Matrix, Matrix Reloaded and Matrix Revolutions; see The Ultimate Matrix Collection (with Ken Wilber, 2004);
Post-Analytic Philosophy, edited with John Rajchman.;
Hope on a Tightrope: Words & Wisdom (2008);
Brother West: Living & Loving Out Loud (2009);
The Rich and the Rest of Us: A Poverty Manifesto (with Tavis Smiley, 2012).
Pro+Agonist: The Art of Opposition (2012)


Facebook Comments - Accept Cookies to Enable FB Comments (See Footer).