سرطان کے مریض بچے پی ایس ایل دیکھنے جائیں گے
پاکستان سپر لیگ کی دفاعی چیمپئن ٹیم پشاور زلمی نے اعلان کیا ہے کہ سرطان میں مبتلا بچے اس ماہ پاکستان سپر لیگ کے میچز دیکھنے دبئی جائیں گے۔ ان بچوں کا تعلق شوکت خانم ہسپتال سے ہے۔
نامہ نگار عبدالرشید شکور کے مطابق پشاور زلمی کے سربراہ جاوید آفریدی کا کہنا ہے کہ گذشتہ سال کی طرح اس بار بھی سرطان کے مریض بچوں کو پاکستان سپر لیگ کے میچز دیکھنے کا موقع فراہم کیا جارہا ہے۔ اس سلسلے میں 15 بچوں کا گروپ دبئی جائے گا۔
مزید پڑھیے
کشمیری کرکٹرز بھی پشاور زلمی کے مداح
’قومی ٹیم پر پی ایس ایل کو فوقیت‘
جاوید آفریدی کا کہنا ہے کہ وہ سرطان میں مبتلا ان بچوں کو لِٹل چیمپئنز کہتے ہیں اور ’پشاور زلمی فاؤنڈیشن کی سوچ یہی ہے کہ ان بچوں کے چہروں پر مسکراہٹیں بکھیری جائیں اور انہیں زندگی کی خوشیوں کے قریب لایا جائے‘۔
انھوں نے کہا کہ پہلی پاکستان سپر لیگ کے موقع پر پشاور زلمی نے شدت پسندوں کا شکار بننے والے آرمی پبلک سکول کے 150 بچوں اور سٹاف کو دبئی بھیجا تھا۔
دوسری جانب پشاور زلمی نے اپنا نیا گیت اور کھلاڑیوں کی کِٹ کی رونمائی کردی ہے۔ اس موقع پر منعقد ہونے والی تقریب میں اداکارہ ماہرہ خان اور حمزہ علی عباسی کو زلمی ایمبیسیڈر بنائے جانے کا اعلان بھی کیا گیا۔
- انڈیا میں سول سروس کے امتحان میں کامیابی پانے والے مسلمان طلبہ: ’سخت محنت کا کوئی نعم البدل نہیں‘ - 20/04/2024
- ایرانی جوہری تنصیب اور ڈرون و بیلسٹک میزائل تیار کرنے والی فیکٹریوں کے مرکز اصفہان کی سٹریٹجک اہمیت کیا ہے؟ - 20/04/2024
- غزہ کی وہ تصویر جسے ’ورلڈ پریس فوٹو آف دی ایئر‘ کا ایوارڈ ملا: ’اس لمحے میں غزہ کے درد کی داستان موجود ہے‘ - 19/04/2024
Facebook Comments - Accept Cookies to Enable FB Comments (See Footer).