ٹرمپ جونیئر کی اہلیہ ’طلاق چاہتی ہیں‘
امریکی میڈیا کے مطابق صدر ڈونلڈ ٹرمپ کے بڑے بیٹے ڈونلڈ ٹرمپ جونیئر کی اہلیہ نے طلاق کے لیے درخواست جمع کروا دی ہے۔
میڈیا رپورٹس کے مطابق سابقہ ماڈل ونیسا ٹرمپ نیو یارک کورٹ میں باہمی رضا مندی سے طلاق چاہتی ہیں۔
باہمی رضامندی کا مطلب یہ ہے کہ قانونی کارروائی میں اس جوڑے کے بچوں اور اثاثوں کی حوالگی کے بارے میں کوئی تنازع نہیں ہے۔
نیوز ویب سائٹ پیج سکس نے ڈونلڈ ٹرمپ اور ان کی اہلیہ کے بیان کے حوالے سے لکھا ہے: ’12 سال کی شادی کے بعد ہم نے فیصلہ کیا ہے کہ اپنے اپنے راستے چلے جائیں۔ اب ہم چاہتے ہیں کہ آپ ہماری نجی زندگی میں دخل نہ دیں۔‘
اس سے قبل رواں سال امریکی میڈیا میں ایسی خبریں آئی تھیں کہ ڈونلڈ ٹرمپ جونیئر اور ان کی اہلیہ کے درمیان کوئی مسائل چل رہے ہیں، اس رپورٹ میں ٹرمپ جونیئر کے مسلسل سفر اور سوشل میڈیا کی محبت کی جانب اشارہ کیا گیا تھا۔
گذشتہ ماہ ونیسا ٹرمپ اور ان کی والدہ کو اس وقت ہسپتال لے جایا گیا جب ونیسا ٹرمپ نے ان کے شوہر کی جانب سے ملنے والا ایک خط کھولا تھا جس میں سفید پاؤڈر تھا۔
دونوں میاں بیوی کی عمریں اس وقت 40 سال ہے اور ان کی شادی سنہ 2005 میں ہوئی تھی۔ جوڑے کے پانچ بچے ہیں۔
ڈونلڈ ٹرمپ جونیئر نے امریکی صدارتی انتخاب کے لیے اپنے والد کی مہم میں اہم کردار ادا کیا تھا۔ انتخاب کے بعد وہ نیو یارک میں ہی رہ گئے تھے اور اس وقت اپنے بھائی ایرک ٹرمپ کے ہمراہ اپنا خاندانی کاروبار چلا رہے ہیں۔
سنہ 2016 میں صدارتی مہم میں روسی مداخلت کے حوالے سے ہونے والی تحقیقات میں ٹرمپ جونیئر ایک اہم کردار بن گئے تھے۔ تاہم صدر ٹرمپ کسی قسم کی مداخلت کو مسترد کرتے رہے ہیں۔
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- چڑیا گھر میں سات سال تک نر سمجھا جانے والا دریائی گھوڑا مادہ نکلی - 25/04/2024
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
Facebook Comments - Accept Cookies to Enable FB Comments (See Footer).