بالی وڈ اداکار عرفان خان نیورونڈوکرائن ٹیومر کا شکار
سلم ڈاگ ملینیئر اور دی ایمزنگ سپائڈرمین جیسی ہالی وڈ فلموں اور بالی وڈ کی 100 سے زائد فلموں میں کام کرنے والے اداکار عرفان خان نیورونڈوکرائن ٹیومر کا شکار ہو گئے ہیں۔
اس بات کا انکشاف انھوں نے خود ٹوئٹر پر کیا۔
یہ کمیاب بیماری انسانی جسم میں ان خلیوں کو متاثر کرتی ہے جو خون کے بہاؤ میں ہارمونز خارج کرتے ہیں۔
عرفان خان نے اپنی بیماری سے متعلق زیادہ تفصیل فراہم نہیں کی۔
اس سے پہلے انھوں نے چھ مارچ کو ٹویٹ کیا تھا کہ انہیں ایک نایاب بیماری لاحق ہو گئی ہے تاہم اس وقت انھوں نے اس سے زیادہ کچھ نہیں بتایا تھا۔
51 سالہ عرفان خان نے بالی وڈ اور ہالی وڈ سمیت 100 سے زائف فملوں میں کام کیا ہے۔ جن میں پیکو، مقبول، حاصل اور پن سنگ تومر ہٹ ہوئیں۔
ان کی ہالی وڈ فلموں میں لائف آف پائی، جراسک ورلڈ، سلم ڈاگ ملینیئر اور دی ایمزنگ سپائلار مین شامل ہیں۔جمعے کو انھوں نے اپنی بیماری کی تفصیلات بتائیں۔
— Irrfan (@irrfank) March 16, 2018
اس سے پہلے ان کی اہلیہ ستاپا سکدر نے 10 مارچ کو فیس بک پر لکھا تھا ’میری بہترین دوست اور ساتھی ’ایک جنگجو‘ اپنے راستے میں آنے والی اس رکاوٹ سے بہت وقار اور خوبصورتی سے لڑ رہے ہیں۔‘
طبی ماہرین کے مطابق نیورونڈوکرائن ٹیومر جسم کے کسی بھی حصے میں بن سکتا ہے اور یہ کینسر زردہ بھی ہوسکتا ہے اور کیسنر کے بغیر بھی۔
بعض ٹیومر بڑے پیمانے پر ہارمونز کے خون کے بہاؤ میں اخراج کا باعث بنتے ہیں اور ان کی وجہ سے دل کا عارضہ ہو کستا ے اور خون کے دباؤ میں فرق پڑتا ہے۔
بعض نیورونڈوکرائن ٹیومرز کا علاج آپریشن یا کیموتھراپی سے ممکن ہے۔
عرفان خان نے سنہ 2013 میں قومی فلم ایوارڈ حاصل کیا۔
انھوں نہ سنہ 2013 میں ہی کانز فلم فیسٹیول کے دوران اپنی فلم ’لنچ باکس‘ کے لیے عوامی پسندیدگی کا ایوارڈ بھی حاصل کیا۔
یہ وہ واحد انڈین فلم تھی جسے اُس برس لندن فلم فیسٹیول کے مقابلے کے لیے بھی چنا گیا تھا۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).