2004 میں سابق بوائے فرینڈ کے ساتھ لیک ہونے والی فحش ویڈیو پہ پیرس ہلٹن کا ردعمل
ہالی ووڈ کی معروف اداکارہ پیرس ہلٹن کی 2004ء میں ایک فحش ویڈیو لیک ہو گئی تھی جس پر اداکارہ اب تک خاموش تھیں تاہم اب پہلی بار وہ اس معاملے پر بول پڑی ہیں اور دنیا کو بتا دیا ہے کہ اس واقعے میں ان پر کیا گزری۔ یو ایس اے ٹوڈے کی رپورٹ کے مطابق37سالہ پیرس ہلٹن کا کہنا ہے کہ ’’جب میرے سابق بوائے فرینڈ رِک سیلومن کے ساتھ فحش ویڈیو لیک ہوئی تو مجھے ایسے لگاتھا جیسے میرے ساتھ جنسی زیادتی کر ڈالی گئی ہو۔ ایک عرصے تک مجھے ایسے محسوس ہوتا رہا جیسے کسی نے میری روح کا ایک ٹکڑا کاٹ کر الگ کر دیا ہو۔‘‘
اپنے حالیہ انٹرویو میں پیرس ہلٹن کا مزید کہنا تھا کہ ’’اس ویڈیو کے منظرعام پر آنے کے بعد لوگوں نے میرے بارے میں جس طرح سفاکانہ روئیے میں باتیں کی اور کمینہ پن دکھایا، اس پر مجھے اور زیادہ تکلیف پہنچی۔ اس دوران کچھ ایسا وقت بھی آیا جب میرا دل کیا کہ میں مر ہی جاؤں تو اچھا ہے۔ یہ بالکل ایسے تھا جیسے مجھ میں زندہ رہنے کی خواہش ہی باقی نہ رہی ہو۔ مجھے لگتا تھا کہ مجھ سے ہر چیز چھین لی گئی ہے کیونکہ میں نے کبھی نہیں چاہا تھا کہ میری اس طرح کی پہچان بنے۔یہ صدمہ میرے لیے اس قدر بڑا تھا کہ اس سے نکلنے میں مجھے ایک عرصہ لگا۔‘‘
Facebook Comments - Accept Cookies to Enable FB Comments (See Footer).