انڈیا: راجستھان اور اترپردیش میں طوفان گردوباد سے 74 افراد ہلاک
انڈیا کی شمالی ریاستوں راجستھان اور اترپردیش میں آنے والے طوفان گردوباد میں کم از کم 74 افراد ہلاک اور سینکڑوں زخمی ہو گئے ہیں۔
بدھ کی شب آنے والی گرد آلود آندھی سے بڑے پیمانے پر بجلی منقطع ہو گئی، بڑے بڑے درخت اکھڑ گئے، گھروں کی چھتیں اڑ گئیں اور اس کی زد میں آ کر بہت سے مویشی بھی ہلاک ہو گئے۔
بہت سے لوگ اپنے گھروں میں سو رہے تھے جب آسمانی بجلی ان کے گھر پر آن گری اور وہ ہلاک اور زخمی ہوئے۔
اس علاقے میں موسم گرما میں ایسی آندھیاں عام طور پر آتی ہیں لیکن اتنی ہلاکتیں غیر معمولی ہیں۔
اس آندھی سے راجستھان کے تین اضلاع الور، بھرت پور اور دھول پور زیادہ متاثر ہوئے جہاں 31 افراد ہلاک ہوئے ہیں۔ حکام کا کہنا ہے کہ الور سب سے زیادہ متاثر ہوا ہے اور اس ضلعے میں سکول بند کر دیے گئے ہیں۔
Have directed Ministers and concerned officials to affected areas to begin relief work immediately and restore utilities. An unfortunate incident, we have been working closely with local authorities to mitigate the situation.
— Vasundhara Raje (@VasundharaBJP) May 3, 2018
راجستھان کی وزیرِاعلیٰ وسندھرا راجے نے کہا کہ امدادی کاموں کے لیے حکام متاثرہ علاقے کی جانب روانہ ہو گئے ہیں۔
ریاستی حکومت نے ہلاک ہونے والوں کے اہل خانہ کے لیے چار لاکھ معاوضے کا اعلان کیا ہے۔
ریاست اترپردیش میں 45 افراد ہلاک ہوئے ہیں جن میں سے 36 صرف ضلع آگرہ میں مارے گئے۔
درخت اور دیواریں گرنے سے بہت سے لوگوں کی موت ہوئی ہے۔ د
ہلی میں بھی آندھی کے اثرات نظر آئے وہاں شام کو 100 کلو میٹر کی رفتار سے ہوائیں چلیں اور بارش کے سبب راجستھان رائلز اور دلی ڈیئر ڈیولز کا آئي پی ایل کا ميچ بھی متاثر ہوا۔
Facebook Comments - Accept Cookies to Enable FB Comments (See Footer).