EnglishUrduHindiFrenchGermanArabicPersianChinese (Simplified)Chinese (Traditional)TurkishRussianSpanishPunjabiBengaliSinhalaAzerbaijaniDutchGreekIndonesianItalianJapaneseKoreanNepaliTajikTamilUzbek

بالی وڈ اداکارہ سری دیوی کو بعد از مرگ نیشنل فلم ایوارڈ سے نوازا گیا

  •  
  •  
  •  
  •  
  •  
  •  
  •  
  •  
  •  
  •  
  •  
  •  

سری دیوی

REUTERS

فروری میں انتقال کرنے والی بالی وڈ سٹار سری دیوی کو بعد از مرگ انڈیا کے نیشنل فلم ایوارڈ سے نوازا گیا ہے۔

یہ ایوارڈ انھیں 2017 میں بننے والی فلم ‘مام’ میں ان کے کردار پر دیا گیا جسے نئی دہلی میں منعقد ہونے والی ایک تقریب میں ان کے خاوند اور بیٹیوں نے ان کی جگہ وصول کیا۔

54 سالہ سری دیوی کی دبئی کے ایک ہوٹل میں اچانک موت نے دنیا بھر میں پھیلے ان کے شائقین کو غمزدہ کر دیا تھا۔

اسی بارے میں

سری دیوی بالی وڈ کو

’سری دیوی کی موت حادثاتی طور پر ڈوبنے سے ہوئی‘

ابتدائی رپورٹوں میں کہا گیا تھا کہ ان کی موت دل کا دورہ پڑنے سے ہوئی تاہم بعد میں پولیس نے کہا کہ ‘وہ بےہوش ہو کر باتھ روم کے ٹب میں گریں اور حادثاتی طور پر ڈوب کر ہلاک ہوئیں۔’

بونی کپور اور سری دیوی کی بیٹیاں

AFP
بونی کپور اور سری دیوی کی بیٹیوں نے ان کی جگہ ایوارڈ وصول کیا

ان کے سابق شوہر بونی کپور نے کہا: ‘آج سری دیوی بہت خوش ہوتیں۔ ہم انھیں یاد کر رہے ہیں اور یہ بہت پرفخر لمحہ ہے۔’

فلم مام میں سری دیوی نے ایک ماں کا کردار ادا کیا تھا جو اپنی سوتیلی بیٹی کے ریپ کا انتقام لیتی ہے۔ سری دیوی کو اس کردار پر پہلے ہی چھ مختلف ایوارڈ مل چکے ہیں۔

سری دیوی کے علاوہ گذشتہ برس انتقال کرنے والے اداکار ونود کھنہ کو دادا صاحب پھالکے ایوارڈ سے نوازا گیا۔ یہ انڈیا کا سب سے بڑا فلمی اعزاز ہے۔

https://www.instagram.com/p/BiUC8mhgRyu/?utm_source=ig_embed

سری دیوی کی بیٹی جانہوی دیوی نے اس تقریب میں اپنی ماں کی ساڑھی پہن کر شرکت کی۔

سری دیوی نے اپنے کریئر میں تین سو سے زائد فلموں میں کام کیا، اور انھیں اپنے دور کی چند گنی چنی سپر سٹارز میں سے ایک سمجھا جاتا تھا۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 19976 posts and counting.See all posts by british-broadcasting-corp