شاہد آفریدی کی تصاویر پہ غریدہ فاروقی کا چبھتا ہوا سوال
شاہد آفریدی نے اپنے سوشل میڈیا اکاونٹ سے ایک تصویر شئیر کی جس میں ان کی بیٹی ان ہی کے انداز میں تصویر کھنچوا رہی ہے جب کہ پس منظر میں واضح طور پر زنجیروں سے بندھا ایک شیر بھی نظر آرہا ہے جب کہ اس تصویر کس کیپشن میں شاہد آفریدی کا کہنا ہے کہ خاندان کے لوگوں کے ساتھ وقت گزارنا بہترین ترین وقت ہوتا ہے اسکے ساتھ ساتھ ان کا یہ بھی کہنا تھا کہ جانوروں کے ساتھ محبت کا سلوک کرنا نہیں بھولنا چاہیۓ
جس پر شاہد آفریدی کے چاہنے والوں نے شیرکے زنجیر سے بندھے ہونے پر سوال اٹھا دیۓ ان کا کہنا تھا کہ زنجیروں میں باندھ کر کسی کا بھی خیال کیسے رکھا جا سکتا ہے
اس کے بعد ایک نجی چینل کے اسپورٹس رپورٹر نے شاہد آفریدی کی ایک تصویر شئیر کی جس میں اصلی شیر کے انتہائی قریب شاہد آفریدی بیٹھے ہوۓ نظر آرہے ہیں یہ تصویر کسی کے گھر کی ہے جس کو دیکھ کر یہ اندازہ ہو رہا ہے کہ یہ شیر کسی کی ذاتی ملکیت ہے
اس تصویر کے سوشل میڈیا پر پر آنے کے بعد ویسے تو کوئي خاص رد عمل دیکھنے میں نہیں آیا مگر ٹی وی اینکر غریدہ فاروقی کے جوابی ٹوئٹ نے حیران کر دیا
انہوں نے اپنے ٹوئٹ میں کہا کہ ویسے تو وہ شاہد آفریدی کا بہت احترام کرتی ہیں مگر اس کے باوجود یہ پوچھنا چاہتی ہوں کہ کیا یہ تصویر کسی کے گھر میں لی گئی ہے ۔کیوں کہ اس طرح گھرکےاندر شیر رکھنا فانونا جرم ہے اور یہ جانوروں کے حقوق کی سخت ترین خلاف ورزی ہے
غریدہ فاروقی نے جو نقطہ اٹھایا ہے وہ واقعی قابل تحسین ہے اور اگر کسی فرد نے چھپا کر اپنے گھر میں شیر رکھا ہوا ہے تو اس کے بارے میں قانونی اداروں کے علم میں ہونا چاہیۓ
Facebook Comments - Accept Cookies to Enable FB Comments (See Footer).