مجھے بھی عیدی چاہیے

ان تمام خوشیوں میں جس خوشی کا بے حد انتظار ہوتا ہے وہے عیدی۔ عمومًا چھوٹے بچے عیدی کا بے صبری سے انتظار کرتےہیں اسی انتظار میں بعض بچے جوکہ عمر کے لحاظ سے بڑے مگر عیدی وصول کرنے کی ضد میں بچوں سے زیادہ بچےہوتے ہیں شامل ہوتے ہیں۔

یہ تو ہوٸی عام لوگوں کی با تیں ،مگر ایک زمیں کا ٹکڑا ایسا بھی ہے جہاں کے لوگوں کی عید، عید کی تیاریاں یکسر مختلف ہیں۔ میں کوٸی شام،فلسطین یا کشمير کی بات نہیں کر رہا ہوں بلکہ فاٹا بالعموم اور وزیرستان بالخصوص کی بات کر رہا ہوں۔یہ علاقہ جس کو بعض لوگ علاقہ غیر سمجتھے ہیں، کٸی حوالوں سے اپنی مثال آپ ہے۔ اس کی تاریخ ،ثقافت اور اس سے بڑھ کر پاکستان کیلٸے قربانانیاں سب کے سامنے عیاں ہیں۔ مگر اس کے باوجو دکھ کے کالے ساٸے ہمیشہ اس پر منڈ لا رہے ہوتے ہیں۔یہاں کے بسنے والوں کی قسمت میں ہمیشہ جنگ و جدل ہی لکھا ہے۔ وقت کے ہر ایک بادشاہ نے تیر ازماٸی کی مگر وقت نے ہی ہمیشہ ثابت کیا کہ تیر چلانے والا تو تھک گیا مگر لوگوں کے حوصلے یہاں موجود چٹانوں سے بھی زیادہ مضبوط رہے۔

پچھلے دس پندرہ سال سے یہاں جو کچھ ہو رہا ہےشاید پاکستان کے عام شہریوں کو معلوم نہ ہو مگر حکمران طبقے اور میڈیا کو سب معلوم ہے اگرچہ یہ لوگ انکھ مچولی کر رہے ہیں۔

اپریشن کی وجہ سے عام لوگوں کو جن مشکلات کا سامنا کرنا پڑا، نقل مکانی کے دوران جن مصاٸب اور تکالیف کے پہاڑ پڑے اگر وہ لکھنے بیٹھ جاٶں تو شاید الفاظ اور قلم ساتھ نہ دے پاٸیں۔ ڈرون حملوں نے جس طرح ماٶں کے لخت جگر کے ٹکڑے ٹکڑے کر دٸے اور بیویوں کے سہاگ اجاڑ دٸے وہ صرف اور صرف یہاں کے بسنے والوں نے دیکھا، اور باقی تمام لو گوں نے رات گزری بات گزری کر دیا۔ مگر حقیقت اس کے بالکل برعکس  ہے کیونکہ ہم نے دیکھا ہے کہ جنازے پر ڈرون کر کے ایک ایک گھر کو چھ چھ معصموم لاشوں کا تحفہ دے کر گھر والوں کےلٸے کربلا کا منظر بنا دیا۔حتیٰ کہ لوگ حلات سے مجبور ہو کر یہ دعا مانگنے لگے کہ یا اللہ قیامت برپا فرما۔

اس موقع پر میں یہ اس لٸے لکھ رہا ہوں تاکہ بتا سکوں کہ جس طرح باقی دنیا کے مسلمان عید کی خوشیاں منا رہے ہوتے ہیں اس طرح ہم بھی خوشیاں مناٸیں۔ دوسرے شہروں میں اٸی ڈی پیز کی شکل میں رہنے کی بجاٸے اپنے علاقے کی ٹھنڈی ہوا اور چھاٶں کا مزہ لیں۔ عید کے دن گھروں میں بیٹھ کر لوگوں کا فاتحہ کے لٸے امد کا انتظار یا دوسروں کے گھر تعزیت کے لٸے جانے کے بجاٸے ہم بھی عام لوگوں کی طرح میٹھی عید پر مٹھاٸی بانٹیں۔ اس عید پر بھی کٸی ماٸیں نقیب محسود کی طرح ماوراٸے عدالت بیٹے کے قتل کا رونا رو رہی ہوں گی۔ آج کٸی بچے یتیموں کی طرح زندگی گزار رہے ہیں اور اس انتطار میں ہے کہ کب میرا ابو جو کہ شک کی بنا پر سلاخوں کے پچھے دھکیل  دیا گیا ہے، رہا ہو کر مجھے بھی دوسرے بچوں کی طرح شاپنگ کراٸیں گے اور عیدی دیں گے کیونکہ مجھے بھی عیدی چاہیٸے۔

بہت سے لوگ ہزاروں اور لاکھوں کا خرچہ کرکے مری اور ایبٹ اباد جاتے وہاں کی خوبصورتی اور موسم سے لطف اندوز ہونے کیلٸے ،مگر مگر ہمارا علاقہ تو ان سے بھی دلکش اور ٹھنڈا ہے مگر مختلف حالات اور واقعات کی وجہ سے یہاں کے رہنے والےجانے سے کتراتے ہیں۔

اس لٸےہم مطالبہ کرتے ہیں کہ اب ہمیں مزید امتحانوں میں نہ ڈالیں۔ جو لوگ جس شکل میں بھی ہمارے ساتھ کھیل رہے ہیں، حکام بالا سے اپیل ہے کہ ہم مزید یہ کھیل نہیں کھیل سکتے ۔اپیل اس لٸے آپ سے کر رہا ھوں کیونکہ میرے آٸینی امپاٸر آپ ہی ہے۔

جیسے کہ پہلے بتا چکا ہوں کہ ہمارے گھر مسمار ہو چکے ہیں ،باپ،بھاٸی اور دوسرے پرسان حال قتل ہو چکے ہیں یا گرفتار ہو چکے ہیں۔اس لٸے یہ ریاستِ پاکستان میرا گھر ہے۔ اس کے حکمرانوں کو ہم اپنے والدین سمجھتے ہیں،چاہے وہ عسکری ہے یا سیاسی ،خواہ  وہ پولیس کی وردی میں ملبوس ہے یا فوج کی یا پھر کسی عدالتی عہدے پر براجماں ہے۔اور ان سب سے ہماری گزارش ہے کہ براٸے مہربانی ایک شفیق والد کی طرح ہمارے سروں پر دستِ شفقت رکھیں۔ ہمارے باپ بننے کی کو شش نہ کرے، وہ باپ جو صرف حکم صادر کرتا ہے۔ معمولی شرارت کرنے پر بچوں کو چماٹے رسید کرتا ہے۔ کوٸی بچے کے بارے میں شکایت کرے تو اسے اس پو چھ گچھ کٸے بنا ڈنڈوں کی بوچھاڑ کر لیتا ہے۔ کبھی کبھی تو ڈرانے یا دھمکانے کی غرض سے گھر سے باہر نکال کر گھر بدر یا علاقہ بدر کر دیتا ہے۔خدارا ایسا نہ کرے ،کہی ایسانہ ہوں کہ آپ کا پیارا اور بہادر بیٹا گھر سے باہر رہنےکا عادی ہو جاٸے، سدھرنے کی بجاٸے مزید بگڑ کر کہی باغی نہ بن جاٸے ۔پھر اس وقت انگشتِ بدنداں ہونے سے کوٸی فاٸدہ نہیں ہوگا۔ اس لٸے اس شفیق اور دور اندیش والد کی طرح بنیں جو انگلی سے پکڑ کرچلنا سکھاتا ہو کیونکہ اس کو معلوم ہوتا ہے کہ یہ میرے مشکل وقت اور بڑھاپے کا سہارا ہے۔

مختصراً امن خوشحالی،اپنے علاقے میں رہنا،صبح اٹھے تو خطرے کی گھنٹی نہ بج رہی ہواور رات کو سوٸے تو اندھیرے کی آڑ میں کوٸی بچھی کچھی دولت بھی نہ لوٹ لے۔ بس یہی ہماری عیدی ہے اور جس دن یہ مل گیا ہم اس دن عید مناٸیں گے۔ امید ہے کہ حکمران ہمیں یتیم بچہ سمجھ کر گود لیں گے اور اپنے بچوں کی طرح عیدی دیں گے۔