الیکٹ ایبل……

’’چار سال نو مہینے کوئی نہیں پوچھتا۔
عام انتخابات سے تین ماہ پہلے احتساب کا آغاز ہو جاتا ہے۔
پولیس ایف آئی آر کا رجسٹر کھول لیتی ہے۔
ایف آئی اے کو تفتیش یاد آ جاتی ہے۔
نیب اچانک چھان بین شروع کر دیتا ہے۔
پر اسرار لوگ گلی کے نکڑ پر کھڑے دکھائی دیتے ہیں۔
گاڑیاں تعاقب کرنا شروع کر دیتی ہیں۔
رونگ نمبرز سے کالز آنے لگتی ہیں۔‘‘
انتخابی امید وار ڈوڈو نے بتایا۔

’’ان سب سے بچنے کے لئے تم کیا کرتے ہو؟‘‘
میں نے دریافت کیا۔

ڈوڈو نے آنکھ مار کے کہا،
’’الیکٹ ایبل بن جاتا ہوں۔‘‘

(بشکریہ روزنامہ جنگ)

• About
• Latest Posts

مبشر علی زیدی

مبشر علی زیدی جدید اردو نثر میں مختصر نویسی کے امام ہیں ۔ کتاب دوستی اور دوست نوازی کے لئے جانے جاتے ہیں۔ تحریرمیں سلاست اور لہجے میں شائستگی۔۔۔ مبشر علی زیدی نے نعرے کے عہد میں صحافت کی آبرو بڑھانے کا بیڑا اٹھایا ہے۔

Latest posts by مبشر علی زیدی (see all)

• بابائے امریکہ کو سلام - 04/07/2022
• آصف فرخی: انھیں تنہائی نے مار ڈالا - 03/06/2022
• امروہے کے ماموں اچھن - 19/12/2021