بنوں: اکرم خان درانی انتخابی مہم کے دوران حملے میں محفوظ، متعدد افراد زخمی
بنوں میں قومی اسمبلی کے حلقہ این اے 35 میں متحدہ مجلس عمل کے امیدوار اکرم خان درانی پر انتخابی مہم کے دوران حملہ ہوا جس میں وہ خود تو محفوظ رہے لیکن متعدد افراد کے زخمی ہونے کی اطلاع ہے۔
بنوں شہر کے ڈی پی او خرم رشید نے بی بی سی کے نمائندے عزیزاللہ سے بات کرتے ہوئے کہا کہ زخمیوں اور ہلاک ہونے والے کی تفصیلات ہسپتال سے کچھ دیر بعد دی جائے گی۔
اکرم درانی این اے 35 سے پاکستان تحریک انصاف کے چیئرمین عمران خان سے مدمقابل الیکشن لڑ رہے ہیں۔
پشاور: خودکش دھماکے میں 20 ہلاکتیں، شہر سوگوار
پشاور: خودکش حملے میں ہلاک ہونے والوں کی تدفین
خیال رہے کہ یہ انتخابی مہم کے آغاز کے بعد خیبر پختونخوا میں کسی امیدوار کو نشانہ بنائے جانے کا تیسرا واقعہ ہے۔ اس سے قبل سات جولائی کو بنوں میں متحدہ مجلس عمل کے امیدوار کے قافلے پر بھی بم حملہ کیا گیا تھا جس میں وہ زخمی ہو گئے تھے۔
اس کے بعد 10 جولائی کو پشاور میں عوامی نیشنل پارٹی کے رہنما اور صوبائی اسمبلی کی نشست پی کے 78 سے لڑنے والے امیدوار ہارون بلور کی انتخابی مہم پر حملہ ہوا جس میں ان کے سمیت 20 افراد ہلاک ہو گئے۔ کالعدم تحریک طالبان نے اس حملے کی ذمہ داری قبول کی ہے۔
یاد رہے کہ چند روز قبل نیشنل کاؤنٹر ٹیررازم اتھارٹی (نیکٹا) نے سینیٹ میں بتایا تھا کہ عمران خان، اے این پی کے اسفندیار ولی اور امیر حیدر ہوتی، قومی وطن پارٹی کے آفتاب شیرپاؤ، جمیعت علما اسلام فضل کے اکرم درانی اور حافظ سعید کے بیٹے طلحہٰ سعید اور ان کے علاوہ پاکستان پیپلز پارٹی اور پاکستان مسلم لیگ نواز کے سینئیر رہنماؤں کی جان کو خطرہ ہے۔
- غزوہ بدر: دنیا کی فیصلہ کن جنگوں میں شمار ہونے والا معرکہ اسلام کے لیے اتنا اہم کیوں تھا؟ - 29/03/2024
- میٹا کو فیس بک، انسٹاگرام پر لفظ ’شہید‘ کے استعمال پر پابندی ختم کرنے کی تجویز کیوں دی گئی؟ - 28/03/2024
- ’اس شخص سے دور رہو، وہ خطرناک ہے‘ ریپ کا مجرم جس نے سزا سے بچنے کے لیے اپنی موت کا ڈرامہ بھی رچایا - 28/03/2024
Facebook Comments - Accept Cookies to Enable FB Comments (See Footer).