نواک جوکوچ چوتھا ومبلڈن جیتنے میں کامیاب، فائنل میں اینڈرسن کو شکست
سربیا کے سابق عالمی نمبر ایک نواک جوکوچ نے دو سال کے بعد اپنا پہلا گرینڈ سلیم ٹائٹل جیت لیا جب انھوں نے جنوبی افریقہ کے کیون اینڈرسن کو ومبلڈن کے فائنل میں باآسانی شکست دے دی۔
سٹریٹ سیٹس میں 6-2 6-2 7-6 (7-3) سے کامیابی حاصل کرنے کے بعد یہ نواک جوکووچ کے کیرئیر کا چوتھا ومبلڈن، اور مجموعی طور پر 13واں گرینڈ سلیم ٹائٹل تھا۔
اینجلیق کربر نے سرینا کو ہرا کر ومبلڈن جیت لیا
دفاعی چیمپیئن جوکووچ کو غیر معروف کھلاڑی سے شکست
پہلے دو سیٹس میں انھوں نے آسانی سے سبقت حاصل کر لی لیکن تیسرے سیٹ میں کیون اینڈرسن نے انھیں ٹکر کا مقابلہ دیا اور وہ ٹائی بریک تک گیا۔
اس ٹورنامنٹ میں جیت کے بعد اب وہ مجموعی طور پر سب سے زیادہ گرینڈ سلیم ٹائٹل جیتنے والوں کی فہرست میں اب چوتھی پوزیشن پر ہیں۔
ان سے آگے امریکہ کے پیٹ سمپراس ہیں جنھوں نے 14 ٹائٹل جیتے ہیں، ان کے بعد سپین کے رافیل نڈال 17 کے ساتھ اور سوئٹزرلینڈ کے راجر فیڈرر 20 کے ساتھ پہلی پوزیشن پر ہیں۔
گذشتہ روز سیمی فائنل میں جوکووچ نے نڈال کو سوا پانچ گھنٹے جاری رہنے والے سنسنی خیز مقابلے کے بعد ہرایا تھا۔
اس سے سے قبل ان کے مدمقابل کیون اینڈرسن نے کوارٹر فائنل میں فیڈرر کو چار گھنٹے اور پھر سیمی فائنل میں ساڑھے چھ گھنٹے کے مقابلے کے بعد امریکہ کے جان ازنر کو شکست دی تھی۔
یہ اینڈرسن کے کیریئر کا دوسرا گرینڈ سلیم فائنل تھا۔ پچھلے سال انھیں یو ایس اوپن میں نڈال نے شکست دی تھی۔
اس جیت کے ساتھ جوکووچ اب دنیا کے دس بہترین کھلاڑیوں کی فہرست میں واپس آجائیں گے۔
- پاکستان میں چینی انجینیئرز پر حملے اور خدشات: کیا چین پاکستان میں سی پیک کے منصوبے منسوخ کر سکتا ہے؟ - 19/04/2024
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
Facebook Comments - Accept Cookies to Enable FB Comments (See Footer).