کیا یہ دنیا کا خوبصورت ترین ہوائی اڈا ہے؟
پیر کے روز انڈیا کے وزیرِ اعظم نریندر مودی نے انڈیا کے 100ویں ہوائی اڈے کا افتتاح کیا۔ اسے دنیا کا سب سے خوبصورت ہوائی اڈا قرار دیا جا رہا ہے۔
ہمالیہ کے دامن میں واقع سکم میں دنیا کی تیسری بلند ترین چوٹی کنچن جنگا واقع ہے اور اس ریاست کی سرحدیں تبت، بھوٹان اور نیپال سے ملتی ہیں۔
اس ریاست کا ہوائی اڈا ریاستی دارالحکومت گینگٹوک سے 30 کلومیٹر دور تعمیر کیا گیا ہے اور اسے انجینیئرنگ کا شاہکار قرار دیا جا رہا ہے۔
یہ اڈا پاکیونگ گاؤں کے اوپر سطح سمندر سے ساڑھے چار ہزار فٹ کی بلندی پر واقع ہے اور 201 ایکڑ پر پھیلا ہوا ہے۔
پونے دو کلومیٹر طویل رن وے کے دونوں طرف گہری کھائیاں ہیں۔ ٹرمینل کی عمارت میں سو افراد کی گنجائش ہے۔
یہاں کے موسم کی وجہ سے ہوائی اڈے کی تعمیر بےحد دشوار ثابت ہوئی۔
سب سے بڑا مسئلہ بھاری مشینری کو اس علاقے تک لے کر جانا تھا۔
ہوائی اڈا بنانے کے لیے پہلے ایک اونچی دیوار کھڑی کی گئی، پھر اس کے اندر مٹی بھر کر اس کے اوپر پورا ہوائی اڈا بشمول رن وے تعمیر کیے گئے۔
یہاں چار اکتوبر سے تجارتی پروازیں شروع ہو جائیں گی۔
امید ہے کہ اس ہوائی اڈے سے سکم میں سیاحت کو فروغ ملے گا۔
تصاویر: سنجیو سری واستو
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).