انڈیا میں بندر کے بس ’چلانے‘ پر ڈرائیور معطل
انڈیا میں ایک بس ڈرائیور کو بندر سے بس ’چلوانے‘ پر ملازمت سے معطل کر دیا گیا ہے لیکن جنوبی ریاست کرناٹکا میں اس بس پر سوار 30 یا اس سے زائد مسافروں میں سے کسی ایک نے بھی اس ڈرائیور کے خلاف شکایت نہیں کی۔
تاہم جب قدرے پرسکون اور بظاہر ماہر لنگور بندر کی بس چلاتے ہوئے ویڈیو وائرل ہوئی تو بس ڈرائیوروں کے مالکان نے ایکشن لیا۔
ترجمان کا کہنا ہے کہ ’کسی بندر کو سٹیئرنگ پر بٹھا کر مسافروں کی زندگیوں کو خطرے میں نہیں ڈالا جا سکتا۔‘
انڈیا: بندر 16 دن کے بچے کو لے بھاگا
اس ویڈیو کلپ کو انٹرنیٹ پر دیکھ کر خوش ہونے والے صارفین اس فیصلے سے ناخوش دکھائی دیتے ہیں۔
پراگ ہیدا نے ٹویٹ کی: ’سو سویٹ۔ معطل کیوں۔ ڈرائیور کو صرف وارننگ دی جانی چاہیے تھی کہ آئندہ ایسا نہ کرے۔‘
سرکاری روڈ ٹرانسپورٹ کوآپریشن کے مطابق یہ واقعہ پیر کو پیش آیا، جبکہ انھیں اس بارے میں ویڈیو کے وائرل ہونے کے بعد معلوم ہوا۔
عینی شاہدین کے مطابق یہ بندر ایک اور مسافر کے ہمراہ بس پر چڑھا لیکن اس نے کہیں اور بیٹھنے سے انکار کیا اور بس کے شروع میں بیٹھنا چاہا۔
ڈرائیور جس کا نام ایم پراکاش ہے کو اس سب سے کوئی فرق نہیں پڑا اور اس نے اپنے نئے دوست کو سٹیئرنگ پر بیٹھنے دیا اور سفر شروع کر دیا۔
اگر ڈرائیور پراکاش کی بات کی جائے تو حقیقت میں انھوں نے پورا وقت اپنا ایک ہاتھ سٹیئرنگ پر ہی رکھا، اور اگر بندر کی بات کی جائے تو اس نے اپنی تمام تر توجہ سڑک پر رکھی۔
رپورٹس کے مطابق آخرکار بندر اپنی منزل تک پہنچا اور آگے کے سفر کے لیے ڈرائیور کے حوالے کر گیا۔
- صدام حسین کے ’سکڈ میزائلوں‘ سے ایرانی ڈرونز تک: اسرائیل پر عراق اور ایران کے براہ راست حملے ایک دوسرے سے کتنے مختلف ہیں؟ - 17/04/2024
- پنجاب میں 16 روپے کی روٹی: نئے نرخ کس بنیاد پر مقرر ہوئے اور اس فیصلے پر عملدرآمد کروانا کتنا مشکل ہو گا؟ - 17/04/2024
- اسرائیل پر حملے سے ایران کو فائدہ ہوا یا نتن یاہو کو؟ - 17/04/2024
Facebook Comments - Accept Cookies to Enable FB Comments (See Footer).