8 اکتوبر کا زلزلہ: دکھ، مصیبت، عزم اور یکجہتی کا دن
پاکستان میں 8 اکتوبر 2005 کے تباہ کن زلزلے کو آئے آج تیرہ برس مکمل ہوئے ہیں۔ اس زلزلے میں تقریباً پچاسی ہزار افراد ہلاک ہوئے تھے۔
سوشل میڈیا پر لوگ اس افسوسناک دن کے بارے میں تبصرے کر رہے ہیں۔ کچھ لوگ اپنے ذاتی تجربات کو بیان کر رہے ہیں تو کچھ پورے ملک پر پڑنے والے اثرات کا ذکر کر رہے ہیں۔ یہ بھی یاد کیا جا رہا ہے کہ کس طرح پورے ملک میں لوگوں نے متاثرہ خاندانوں کی امداد میں حصہ لیا۔ تباہی کی تصاویر سوشل میڈیا پر جابجا موجود ہیں۔
تعمیر نو: چار سالوں میں دس فیصد کام
حالیہ برسوں کے زلزلوں کی تاریخ
سردار احسن اقبال نے زلزلے میں ہلاک ہونے والے 55 بچوں کی اجتماعی قبر کی تصویر ٹویٹ کی ہے۔ یہ تصویر شاید اس المیے کی ایک بڑی علامت کے طور پر دیکھی جا سکتی ہے۔
https://twitter.com/ahsanbilalghazi/status/1049028605286731776
عدیل ہاشمی نے اپنے ٹویٹ میں لکھا کہ اُس روز میں نے اپنی زندگی میں پہلی مرتبہ پوری قوم کو صدمے میں دیکھا۔ اُس کے بعد عزم اور یکجہتی کا زبردست مظاہرہ دیکھا۔
https://twitter.com/AdeelHashmi3/status/1049254665790132224
Th_bountyHunter@ نے لکھا کہ مجھے وہ دن آج تک یاد ہے۔ میں پانچویں کلاس میں تھا۔ میں بری طرح رو رہا تھا اور درود پڑھ رہا تھا۔
محمد خزران نے لکھا کہ میں اُس روز اپنی کلاس میں تھا اور میرے استاد معمول کے مطابق ڈانٹ رہے تھے کہ اچانک میری ڈیسک ہلنے لگی۔
حکومتِ پاکستان کی وزارتِ اطلاعات نے اپنی ٹویٹ میں کہا کہ آج کے دن نہ صرف ہلاک ہونے والوں کو یاد کرنا چاہیے بلکہ یہ دن ہماری توجہ اِس جانب بھی دلاتا ہے کہ ہم ایسی کسی آفت سے نمٹنے کے لیے کتنے تیار ہیں۔
https://twitter.com/pid_gov/status/1049168377263149056
عامر گورسی نے کہا کہ ہم اُس روز ہلاک ہونے والوں کو آج تک نہیں بھولے۔
https://twitter.com/Aamer_Gorsi/status/1049204603865247744
سائرہ انوار نے اپنی ٹویٹ میں لکھا کہ تیرہ برس ہو چکے ہیں لیکن آٹھ اکتوبر کے زلزلے کے اثرات متاثرہ لوگوں اور ہمارے دلوں پر آج بھی ہیں۔ اُس دن سے پہلے مجھے تباہ کن زلزلوں کے اثر کا کوئی اندازہ نہیں تھا۔
https://twitter.com/SairaAnwer1/status/1049226223895937025
عامر بشیر انقلابی کہتے ہیں کہ پھنسے ہوئے لوگوں کی چیخیں ان وادیوں میں آج بھی گونجتی ہیں۔ ملبے میں سے ماؤں کی سسکیاں آج بھی سنائی دیتی ہیں۔
حمزہ شفیق نے ہلاک ہونے والوں کے لیے اور ایسی قدرتی آفات سے بچے رہنے کی دعا کی۔
Facebook Comments - Accept Cookies to Enable FB Comments (See Footer).