صحافی جمال خاشقجی کے ساتھ کیا ہوا؟ سعودی شہزادے کا لاعلمی کا اظہار
امریکہ کے صدر ڈونلڈ ٹرمپ کا کہنا ہے کہ سعودی عرب کے طاقتور شہزادی محمد بن سلمان نے اس بات سے مکمل لاعلمی کا اظہار کیا ہے کہ صحافی جمال خاشقجی کے ساتھ کیا ہوا۔
ڈونلڈ ٹرمپ نے خبر رساں ادارے اے پی کو بتایا کہ سعودی عرب کا معاملہ ’ثابت کیے جانے تک معصوم‘ قرار دینے کا ہے۔
جبکہ اسی اثنا میں ترک سیکورٹی ذرائع کا کہنا ہے کہ انہیں مزید شواہد ملے ہیں کہ صحافی جمال خاشقجی کو قتل کیا گیا ہے۔
اس معاملے کے باعث سعودی عرب پر اپنی قریب اتحادیوں کی جانب سے کافی دباؤ کا سامنا ہے۔
یہ بھی پڑھیے
لاپتہ سعودی صحافی جمال خاشقجی کون ہیں؟
کیا جمال خاشقجی کی ایپل واچ نے سب ریکارڈ کیا؟
جمال خاشقجی کو دو اکتوبر کے روز سعودی عرب کے قونصل خانے کی عمارت کے اندر جاتے دیکھا گیا۔ سعودی حکام کا کہنا ہے کہ انہیں قتل نہیں کیا گیا اور وہ عمارت سے نکل گئے تھے۔
سعودی شہزادے نے کیا کہا؟
صحافی جمال خاشقجی کے ساتھ جو کچھ بھی ہوا اس کا ذمہ دار طاقتور سعودی شہزادی محمد بن سلمان کو ٹھہرایا جا رہا ہے۔
امریکی صدر ٹرمپ نے ٹویٹ کیا کہ شہزادہ محمد نے ان سے فون پر بات کی اور انھوں نے ترکی میں قونصل خانے کے اندر ہونے والی کسی بھی کارروائی سے لاعلمی کا اظہار کیا۔
صدر ٹرمپ کا مزید کہنا تھا ’انھوں نے مجھے بتایا انھوں نے تحقیقات شروع کر دی ہیں اور جلد ہی مکمل تحقیقات کی جائیں گی اور تمام سوالات کے جواب دیے جائیں گے۔‘
اس معاملے پر سعودی حکام سے بات کرنے کے لیے امریکی وزیر خارجہ مائیک پومپیو بھی سعودی عرب گئے ہیں۔
امریکی صدر ڈونلڈ ٹرمپ نے بھی پیر کو سعودی عرب کے شاہ سلمان کے ساتھ فون پر اس معاملے پر بات کی جس کے بعد ان کا کہنا تھا کہ جمال خاشقجی کی گشمدگی کے پیچھے کچھ ‘بدمعاش قاتل’ بھی ہو سکتے ہیں۔
تحقیقات کیسے جاری ہیں؟
تحقیات کے دوران ترکی میں سعودی قونصل خانے کی 200 میٹر دور واقع رہائش گاہ کی بھی تلاشی لی جانی ہے۔
ترک حکام کے مطابق اس میں تاخیر اس لیے ہو رہی ہے کیونکہ مشترکہ تحقیقات کے لیے کسی سعودی اہلکار کو تعینات نہیں کیا گیا۔
خاشقجی کی گمشدگی کے روز کئی سعودی سفارتی گاڑیاں قونصل خانے کی عمارت سے نکل کر رہائش گاہ کی طرف گئیں۔
روئٹرز نے ایک ترک اہلکار کے حوالے سے بتایا کہ انہیں قتل سے متعلق ’ٹھوس شواہد ‘ ملے ہیں تاہم کوئی حتمی ثبوت نہیں ملا۔
ترک حکام کا کہنا ہے کہ ان کے پاس صوتی ثبوت موجود ہیں جن سے خاشقجی کے قتل کے اشارے ملتے ہیں۔
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
- ’نیتزہ یہودا‘: انتہائی قدامت پسند یہودی نوجوانوں پر مشتمل اسرائیلی فوج کے یونٹ کو ممکنہ امریکی پابندیوں کا سامنا کیوں ہے؟ - 24/04/2024
- برطانیہ میں مقیم جنوبی ایشیائی نوجوانوں کے ڈیٹنگ مسائل: ’ہمارے والدین کو نہیں معلوم کہ ہم خفیہ زندگیاں جی رہے ہیں‘ - 24/04/2024
Facebook Comments - Accept Cookies to Enable FB Comments (See Footer).