افغان الیکشن: پولنگ کے دن کم از کم 28 افراد ہلاک


کابل میں پولیس کا کہنا ہے کہ ایک پولنگ سٹیشن پر ہونے والے خودکش حملے میں کم از کم دس افراد ہلاک ہوگئے ہیں۔

افغان حکام کے مطابق الیکشن والے دن ملک میں پرتشدد واقعات میں اب تک 28 افراد ہلاک ہوچکے ہیں۔

یہ بھی پڑھیے

’جب تک زندہ ہوں، طالبان اور پاکستان کا دشمن رہوں گا‘

ملک میں ہونے والے پارلیمانی انتخابات میں سنیچر کو کئی مقامات پر پولنگ ختم ہو چکی ہے جبکہ بعض مقامات پر لمبی قطاروں کی وجہ سے ٹائم بڑھا دیا گیا ہے۔

پولنگ کے دن سے قبل کئی پرتشدد واقعات پیش آچکے ہیں جن میں 10 امیدوار بھی ہلاک ہوگئے تھے۔

جنرل رازق

افغان میڈیا کے مطابق جنرل رازق پاکستان اور افغانستان کے درمیان متنازع ڈیورنڈ لائن پر باڑ لگانے کے بھی سخت مخالف تھے

طالبان اور خود کو دولت اسلامیہ کہنے والی شدت پسند تنظیم کی جانب سے الیکشن والے دن پرتشدد واقعات کی دھمکیاں موصول ہوتی رہی ہیں اور ملک بھر میں پچاس ہزار فوجی تعینات کیے گئے تھے۔

قندھار میں جمعرات کو پولیس کے سربراہ جنرل عبدالرازق کو ایک حملے میں ہلاک کر دیا گیا تھا۔

حکام کا کہنا ہے کہ ملک کے نوے فیصد پولنگ سینٹرز میں ووٹ ڈالے جا رہے ہیں۔

صدر کے سکیورٹی کے مشیر نے بی بی سی کو بتایا کہ ایسے تین سو پولنگ سینٹر جہاں انتظامی یا تکنیکی وجوہات کی وجہ سے پولنگ نہیں ہہو سکی وہاں اتوار کو ووٹنگ ہوگی۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32300 posts and counting.See all posts by british-broadcasting-corp