مصری فٹبالر مو صلح کا مجسمہ، سوشل میڈیا پر لوگ حیران


Mo Salah celebrates a goal with his arms out wide

The artwork of Salah recreates his famous goal celebration pose

فٹبال کلب لیورپول اور مصری قومی ٹیم کے لیے کھیلنے والے فٹبال سٹار مو صلح کا ایک نیا مجسمہ بنایا گیا ہے جس کے بارے میں سوشل میڈیا پر لوگ شدید تنقید اور مذاق کر رہے ہیں۔

یہ فن پارہ مصر کے شہر شرم الشیخ میں اتوار کے روز ورلڈ یوتھ فورم میں پیش کیا گیا۔

اس میں مو صلح کا گول کے بعد جشن منانے کا وہ معروف انداز دکھایا گیا ہے جس میں وہ ہاتھ پھیلا کر خوشی کا اظہار کرتے ہیں۔ مگر لوگوں کا کہنا ہے کہ یہ مجسمہ گلوکار لیو سیئر یا فلم ہوم الون کے کردار مارئوو سے زیادہ ممالثت رکھتا ہے۔

https://twitter.com/MoSalahFacts/status/1059130221197176832


مو صلح کا یہ مجسمہ فٹبال کی دنیا کے ان کافی سارے مجسموں کی ایک کڑی معلوم ہوتا ہے جو لوگوں کو سوچ میں ڈال دیتے ہیں۔

اس کا موازنہ گذشتہ سال مدیرہ ہوائی اڈے پر لگائے گئے کرسٹیانو رونالڈو کے مجسمے سے کیا جا رہا ہے۔

کرسٹیانو رونالڈو کا مجسمہ ایمانیوئل ہورہے دی سلوا نے بنایا تھا۔ انھوں نے شدید تنقید کے بعد اپنی اداسی کا ذکر کیا ہے۔ بعد میں انھیں دی بلیچر رپورٹ نامی ویب سائٹ کی جانب سے یہ مجسمہ دوبارہ بنانے کا موقع دیا گیا۔

جس یوتھ فورم پر مو صلح کا مجسمہ نمائش کے لیے پیش کیا گیا ہے اس میں ہزاروں لوگ شریک تھے جن میں مصری صدر عبد الفتح السیسی بھی شامل تھے۔

یہ فورم گذشتہ سال نوجوانوں کی جانب سے شروع کیا گیا تھا اور اس کا مقصد مصر میں امن و ترقی بڑھانا ہے۔

مو صلح کا مجسمہ بنانے والے مائے عبداللہ نے مصری میڈیا کو بتایا کہ انھوں نے یہ مجسمہ اس لیے بنایا کیونکہ مو صلح مصری نوجوانوں کے لیے ایک اعلیٰ معیار ہیں۔

https://twitter.com/OverTheBarFB/status/1059334184764891141


https://twitter.com/Colette_AFC/status/1059175885738250246


https://twitter.com/utdsupreme/status/1059121882035830784


مو صلح نے اپنے پہلے ہی سال میں لیورپول کے لیے 36 میچوں میں 32 گول کیے جو کہ ایک ریکارڈ ہے۔

26 سالہ مو صلح نے اس سال کے آغاز میں لیورپول کے ساتھ ایک پانچ سالہ معاہدہ طے کیا ہے۔ ماضی میں وہ چیلسی اور روما کے لیے کھیل چکے ہیں۔ مو صلح اپنے آبائی ملک مصر میں انتہائی مقبول ہیں اور مصر کو 2018 کے ورلڈ کپ میں پہنچانے میں ان کا بہت اہم کردار تھا۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32291 posts and counting.See all posts by british-broadcasting-corp