’سٹرابیریز میں سوئیاں بدلہ لینے کے لیے ڈالی گئیں‘
آسٹریلیا میں عدالت کو بتایا گیا کے سٹرابیریز میں سوئیاں نکلنے کی ذمہ دار خاتون نے یہ کام جان بوجھ کر نقصان پہنچانے کی نیت سے کیا۔
50 سالہ مے اٹ ٹرن کو ستمبر میں شروع ہونے والی تفتیش کے بعد اتوار کو حراست میں لیا گیا۔
اسی بارے میں
سٹرابری سے سوئیاں نکلنے پر شہریوں کو تنبیہ
کوئنز لینڈ پولیس کے مطابق ٹرن برزبرن میں موجود ایک سٹرابیری فارم میں سپروائزر کے طور پر کام کرتی تھیں۔
آسٹریلیا میں اشیائے خورد و نوش کو زہریلا کرنے کی سزا حال ہی میں بڑھا کر 15 سال کی گئی ہے۔
ٹرن کو ایسے سات الزامات کا سامنا ہے اور انھوں نے ان الزامات کا دفاع کرنے کی بھی خواہش ظاہر نہیں کی۔
سٹرابیریز میں سوئیاں نکلنے کے بعد آسٹریلیا بھر میں اور پھر نیوزی لینڈ میں بھی خوف کی فضا پھیل گئی تھی۔
پولیس کا کہنا ہے کہ انہیں ستمبر کے بعد سے اب تک سٹرابیریز میں سوئیاں برآمد ہونے کے 186 شکایات ملی ہیں۔ تاہم 15 شکایات صرف افواہیں تھیں۔
ابھی یہ واضح نہیں ہے کہ ان میں کتنے واقعات کی ذمہ دار ٹرن ہیں۔ پی کو پولیس کا کہنا تھا کہ ان کی تحقیقات فی حال مکمل ہو گئی ہیں۔
پیر کو عدالت کو بتایا گیا کہ ریاست وکٹوریہ میں ملنے والی سٹرابیریز میں مس ٹرن کے ڈی این اے ملے ہیں۔
مجسٹریٹ کرسٹین رونے کا کہنا تھا کہ ’ایسا معلوم ہوتا ہے کہ یہ معاملہ بدنیتی یا بدلے کا ہے۔‘
’’اس خاتون نے یہ کام کئی ماہ پہلے شروع کیا۔‘ مس ٹرن نے یہ کام فارم کو مالی نقصان پہنچانے کے لیے کیا۔
ان واقعات کا علم اس وقت ہوا جب کوئنز لینڈ میں ایک شخص کو سٹرابیریز کھانے کے بعد پیٹ درد کی شکایت پر ہسپتال لے جایا گیا۔
کسانوں کو منوں کے حساب سے پھل تلف کرنے کو کہا گیا جبکہ سپر مارکیٹوں میں ان کی فروخت بند کر دی گئی۔
اس کے بعد حکومت نے پھلوں کو نقصان پہنچانے کی سزا 10 سال سے بڑھا کر 15 سال کر دی۔
- کیا آئی پی ایل میں ’بے رحمانہ‘ بلے بازی کرکٹ کو ہمیشہ کے لیے بدل رہی ہے؟ - 25/04/2024
- مریم نواز اور پنجاب پولیس کی وردی:’کیا وزیراعلیٰ بہاولنگر کے تھانے کا دورہ بھی کریں گی؟‘ - 25/04/2024
- غزہ کی اجتماعی قبروں میں لاپتہ اہلخانہ کی تلاش: ’ہم اس بات کی اجازت نہیں دے سکتے کہ یہ چھوٹا سا معاملہ بن کر دب جائے‘ - 25/04/2024
Facebook Comments - Accept Cookies to Enable FB Comments (See Footer).