شکاگو میں 95ویں منزل سے لفٹ گری لیکن لوگ محفوظ رہے
امریکی شہر شکاگو کی ایک بلند عمارت میں 95 ویں منزل سے گرتی ہوئی لِفٹ میں پھنسے لوگوں کو لگ رہا تھا کہ اب انکی موت یقینی ہے۔
گزشتہ جمعہ کی صبح ایک حاملہ خاتون سمیت چھ افراد 95 منزل سے گِر کر گیارویں منزل پر اٹکنے والی لِفٹ میں معجزانہ طور پر بچ گئے۔
جاپان میں لکڑی کی بلند ترین عمارت کا منصوبہ
عمارتیں جو کبھی بہترین فن تعمیر کا نمونہ تھیں
اِس کے بعد لِفٹ میں پھنسے لوگو ں نے اپنے دوستوں کو ٹیکسٹ پیغام بھیجا جنہوں نے فائر برگیڈ کی مدد طلب کی اور آخر کار تین گھنٹے کی کوششوں کے بعد ان لوگوں کو صحیح سلامت لِفٹ سے نکال لیا گیا۔
فائر بریگیڈ کے حکام کا کہنا تھا کہ لِفٹ کے دو تار ٹوٹے ہوئے تھے اور ابھی تک یہ بات سمجھ سے باہر ہے کہ لِفٹ زمین پر گِرنے کے بجائےگیارھویں منزل پر کیسے رکی۔
یہ شہر کی چوتھی سب سے بُلند عمارت ہے۔
یہ لوگ 95 ویں منزل پر بنے بار سے واپس جا رہے تھے۔
بچاس سالہ جیمی مونٹے میئور اس لفٹ میں اپنی اہلیہ کے ساتھ تھے انہوں نے بتایا کہ پہلے تو لگا کہ لِفٹ نارمل طریقے سے جا رہی ہے پھراچانک لِفٹ سے آوازیں آنے لگیں اور دھول اندر داخل ہونے لگا۔
وہاں موجود لوگوں نے گھبرا کر رونا اور چیخنا شروع کر دیا۔
مونٹے میئور کا کہنا تھا ہمیں لگا اب ہماری موت یقینی ہے۔
امدادی کارکنوں نے سمینٹ کی دیوار میں سوراخ کر کے لِفٹ میں پھنسے لوگوں کو باہر نِکالا۔
فائر بریگیڈ کے عملے کا کہنا تھا کہ ان لوگوں کو باہر نکالنے کے لیے عمارت کی گیارھویں منزل پر بنی دیوار کو توڑنا پڑا۔
واقعہ کی تحقیقات کی جا رہی ہیں۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).