اترپردیش: امیتابھ بچن نے کسانوں کا چار کروڑ کا قرض ادا کر دیا

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بالی وڈ سُپر سٹار امیتابھ بچن کا کہنا ہے کہ انھوں نے کسانوں کا تقریباً چار کروڑ روپے سے زیادہ کا قرضہ ادا کر دیا ہے۔

منگل کو انھوں نے اپنے بلاگ میں لکھا کہ انھوں نے ایک ہزار تین سو اٹھانوے کسانوں کا قرض ادا کیا ہے۔

ان تمام کسانوں کا تعلق شمالی ریاست اتر پردیش سے ہے جہاں امیتابھ بچن خود پیدا ہوئے تھے۔

انڈیا میں لاکھوں کسان قرض کے بوجھ تلے دبے ہوئے ہیں۔

یہ بھی پڑھیے

کیا یہ امیتابھ بچن ہیں؟

‘امیتابھ کے بارے میں بہت کچھ جاننا چاہتی ہوں’

انڈیا کے مختلف علاقوں میں کئی دہائیوں سے مختلف وجوہات کی وجہ سے ذراعت کے شعبے میں حالات بہت ہی ناسازگار ہیں اور پیداوار کی کمی کا سامنا ہے۔ انڈیا میں کسانوں کی خود کشیوں کی وجہ بھی انھی مسائل سے جڑی ہیں اور سنہ 1995 سے لے کر اب تک کم از کم 3 لاکھ کسان خودکشیاں کر چکے ہیں۔

76 سالہ امیتابھ بچن نے جن کسانوں کے قرض ادا کیے ہیں وہ سرکاری بینک آف انڈیا کے مقروض تھے۔

انھوں نے اپنے بلاگ میں لکھا کہ ان کی خواہش ہے کہ وہ خود ان کسانوں کو اس بارے میں بتائیں لیکن لیکن ان سب کو ممبئی شہر مدعو کرنا ممکن نہیں، اس لیے انھوں نے ایک ٹرین میں 70 کسانوں کے آنے کا انتظام کیا ہے تاکہ وہ ان سے آکر ملیں اور وہ ان کو بینک کی جانب سے دیے گئے دستاویزات دے سکیں۔

امید کی جا رہی ہے کہ وہ کسان 26 نومبر کو ممبئی آئیں گے۔

یہ بھی پڑھیے

’کسانوں کی موت کو روکو‘

بھارت میں کسان خودکشی کرنے پر مجبور کیوں؟

انڈیا میں کسانوں کے احتجاج کا ایک منظر

Getty Images
انڈیا میں مختلف علاقوں سے تعلق رکھنے والے کسان قرضوں کے خلاف احتجاج کرتے ہیں اور کئی خودکشی بھی کر چکے ہیں (فائل فوٹو)

اس برس کے آغاز میں امیتابھ بچن نے ریاست مہاراشٹرا کے 350 کسانوں کے قرضوں کی ادائیگی بھی کی تھی۔

وہ ایک زمین کے کیس میں تنازع کا شکار بھی رہ چکے ہیں۔

سنہ 2007 میں ایک عدالت نے اپنے فیصلے میں کہا تھا کہ انھیں 90 ہزار سکوئر فٹ کی زمین غیر قانونی طور پر آلاٹ کی گئی ہے۔

ان کے خلاف فراڈ کے الزامات کو اس وقت ختم کر دیا گیا تھا جب وہ زمین پر اپنی ملکیت کے دعوے سے دستبردار ہوگئے تھے۔

امیتاھ بچن اب تک 190 سے زیادہ فلموں میں کام کر چکے ہیں۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 16112 posts and counting.See all posts by british-broadcasting-corp