پورٹ لینڈ: چوروں نے ہیروں جڑا شاہی تاج چرا لیا


چوروں کے ایک گروہ نے پورٹ لینڈ میں شیشے کے محفوظ بکتر بند ڈبے سے لاکھوں مالیت کا ہیرے کا تاج چرا لیا۔

یہ تاج ڈچز آف پورٹ لینڈ ویویفریڈ کے لیے بنایا گیا تھا جو انھوں نے سنہ 1902 میں شاہ ایڈورڈ ششم کی تاج پوشی کے موقعے پر پہنا۔

ایک ماہر کا کہنا تھا کہ انھیں خدشہ ہے کہ اس تاج کو توڑ کر ہیروں کو الگ الگ کر کے بیچ دیا گیا ہے۔

پولیس کا کہنا ہے کہ ان کے خیال میں کراس لین بلڈ ورتھ میں جلی ہوئی سلور آڈی چوروں سے واردات کے لیے استعمال کی تھی۔

اس تاج پر ہیرے چاندی اور سونے میں جڑے تھے۔

یہ بھی پڑھیے

معروف افراد کے چوری شدہ ہیرے کیسے بکتے ہیں؟

ایک ہیرا، چھ افسانے

چوروں نے منگل کی رات پونے دس سے دس بجے کے درمیان پورٹ لینڈ کولیکشن گیلری میں گھس کر یہ تاج چرایا جس کے بعد الارم بج اٹھے۔

تاج

یہ تاج ڈچز آف پورٹ لینڈ ویویفریڈ نے شاہ ایڈورڈ ششم کی تاج پوشی کے موقعے پر پہنا

پولیس کا کہنا ہے کہ وہ کئی خطوط پر تحقیق کر رہی ہے تاہم اس کا مرکز ملنے والی کار ہے۔

لندن کے وکٹوریا اینڈ البرٹ میوزیم میں زیورات کے محافظ رچرڈ ایڈکمبے کا کہنا تھا کہ ’یہ تاج برطانیہ کے لیے تاریخی اہمیت رکھتا تھا۔‘

ڈربی کے نیلام گھر کے رکن جیمز لیوس کے مطابق یہ تاج جس وقت ڈیزائن کیا گیا تب دولت کوئی بڑا مسئلہ نہیں تھی۔

’یہ تاج لاکھوں پاؤنڈ مالیت کا ہو سکتا ہے، یہ اتنا مشہور ہے کہ اسے عوام میں نہیں بیچا جا سکتا۔‘

’ایک خوفناک خیال یہ بھی ہے کہ اسے توڑ کر ہیروں کو الگ الگ کر کے بیچا گیا ہو۔‘


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32288 posts and counting.See all posts by british-broadcasting-corp