سابق امریکی صدر جارج ایچ ڈبلیو بش وفات پا گئے


جارج ایچ ڈبلیو بش

Reuters
جارج ایچ ڈبلیو بش کا 94 سال کی عمر میں انتقال ہو گیا

سابق امریکی صدر جارج ڈبلیو بش نے اعلان کیا ہے کہ ان کے والد اور سابق امریکی صدر جارج ایچ ڈبلیو بش کا 94 سال کی عمر میں انتقال ہو گیا ہے۔

ان کے اہل خانہ کی جانب سے جاری ایک بیان میں کہا گیا ہے کہ سینیئر جارج بش کہے جانے والے صدر کا جمعے کی شام کو انتقال ہو گيا۔

وہ دوسری جنگ عظیم کے پائلٹوں میں شامل تھے۔ سنہ 1964 میں ریپبلکن کی جانب سے سیاست میں اترنے سے قبل وہ ٹیکسس میں تیل اور پیٹرول کے بڑے تاجر تھے۔

رواں سال ان کی اہلیہ بابرا بش کا بھی انتقال ہوا ہے۔ ان کے انتقال کے ایک ہفتے بعد اپریل میں انھیں ہسپتال کے انتہائی نگہداشت کے شعبے میں رکھا گیا تھا۔ انھیں کسی قسم کا انفیکشن ہو گیا تھا۔

وہ سب سے زیادہ عمر پانے والے امریکی صدر ہیں۔

جارج ڈبلیو بش 41 ویں صدر بننے سے قبل رونالڈ ریگن کے دور میں آٹھ سالوں تک نائب صدر کے عہدے پر رہے۔

ان کے دور صدارت کو ان کی خارجہ پالیسی کے لیے یاد کیا جاتا ہے جب مشرقی یورپ میں کمیونزم کا خاتمہ ہو رہا تھا، روس ٹوٹ رہا تھا اور امریکہ دنیا کی واحد سپر پاور کے طور پر ابھر کر سامنے آيا۔

ان کی پالیسیوں نے امریکہ پر دنیا کے اعتماد کو بحال کیا اور ویت نام کی جنگ کا بھوت خاموش کر دیا گیا۔

لیکن ان پر گھریلو امور کو نظر انداز کرنے کا الزام لگایا گیا اور انھیں سنہ 1992 میں بل کلنٹن نے صدارتی انتخابات میں شکست دی۔

سینیئر بش کے سیاسی سفر پر ایک نظر

  • سنہ 1966 میں انھوں نے ایوان نمائندگان میں سیٹ حاصل کی۔
  • سنہ 1971 میں صدر نکسن نے انھیں اقوام متحدہ کا سفیر مقرر کیا۔
  • سنہ 1974 میں بیجنگ میں قائم نئے مشن کی سربراہی کی۔
  • سنہ 1976 مین فورڈ نے انھیں سی آئی اے کا ڈائریکٹر بنایا۔
  • سنہ 1981 سے 1989 کے درمیان رونالڈ ریگن کے نائب صدر رہے۔
  • سنہ 1989 سے 1993 کے درمیان امریکہ کے صدر رہے اور خلیجی جنگ میں امریکہ کی قیادت کی۔

جارج ہربرٹ واکر بش کی پیدائش 12 جولائی سنہ 1924 میں میساچوسٹس کے ملٹن میں ہوئی تھی۔ وہ ایک انوسٹمنٹ بینکر کے گھر میں پیدا ہوئے تھے۔

بش سینیئر اور جونیئر

AFP

پرل ہاربر کے واقعے کے بعد انھوں نے امریکی بحریہ میں رضاکارانہ طور پر خود کو پیش کیا اور انھیں بحرالکاہل میں جاپان کے خلاف دوسری جنگ عظیم کے دوران پائلٹ کی خدمات انجام دینے سے قبل طیارہ کو پرواز کرانے کی تربیت دی گئی تھی۔

امریکی بحریہ سے فرصت کے بعد انھوں نے 18 سالہ باربرا پیئرس سے شادی کی اور ایک سال بعد ان کے ہاں ایک بیٹا پیدا ہوا جو ان کی طرح بعد میں امریکہ کا صدر بنا۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 7202 posts and counting.See all posts by british-broadcasting-corp