پرینکا چوپڑا نے نِک جونس سے اندڈیا میں شادی کر لی


https://www.instagram.com/p/Bq2Y95tH9NL/?utm_source=ig_web_copy_link

پرینکا چوپڑا اور نک جونس نے انڈیا میں مسیحی عقائد کے مطابق شادی کر لی ہے۔

بالی وڈ کی سپر سٹار اور ٹیکساس سے تعلق رکھنے والے گلوکار کی شادی کی یہ تقریب جودھ پور کے ایک محل میں خاندان والوں اور قریبی دوستوں کی موجودگی میں ہوئی۔

پیپل میگزین کے مطابق شادی کی رسومات جونس کے والد پال کیون نے ادا کیں۔ ہندو رسومات کے مطابق دونوں کی شادی اتوار کو ہوگی۔

یہ بھی پڑھیے

اگلے سال بالی ووڈ میں کس کس کی شادی ہو سکتی ہے

پرینکا اور جوناس نے منگنی کی تصدیق کر دی

پرینکا آج کل کس کے ساتھ دکھائی دے رہی ہیں؟

https://twitter.com/nickjonas/status/1068892500058759168

پرینکا چوپڑا اور جونس نے چار ماہ قبل منگنی کا اعلان کیا تھا۔

دونوں نے سنیچر کو ہونے والی تقریب کا اعلان اپنے سوشل میڈیا کے ذریعے کیا۔

پرینکا چوپڑا سنہ 2000 میں مس ورلڈ بنی تھیں اور اس کے بعد سے انھوں نے 50 سے زیادہ بالی وڈ فلموں میں کام کیا ہے۔ انھوں نے امیتابھ بچن، شاہ رخ خان اور سلمان خان جیسے سپر سٹارز کے ساتھ فلموں میں کام کیا ہے۔

ان کو بہت سے ایوارڈز سے نوازا جا چکا ہے اور ان کا شمار بالی وڈ کی مہنگی ترین اداکاراؤں میں ہوتا ہے۔

ٹائم میگزین نے دو سال قبل ان کو 100 با اثر شخصیات میں شامل کیا تھا۔

وہ امریکہ میں ٹی وی سیریز کوائنٹکو میں کام کر چکی ہیں اور وینٹی لیٹر، بے واچ، اے کِڈ لائک جیک نامی فلموں میں بھی انھوں نے کام کیا ہے۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32288 posts and counting.See all posts by british-broadcasting-corp