دلی کے ہوٹل میں آتشزدگی سے ہلاکتیں
انڈیا کے دارالحکومت دہلی میں منگل کی صبح ایک ہوٹل میں لگنے والی آگ کے نتیجے میں 17 افراد ہلاک ہو گئے ہیں۔
ہلاک شدگان میں ایک خاتون اور ایک بچہ بھی شامل ہیں جو کہ عمارت سے گر کر ہلاک ہوئے۔
اس حادثے کے بعد سامنے آنے والی ایک ویڈیو میں دیکھا جا سکتا ہے کہ لوگ ہوٹل کی چوتھی منزل سے کھڑکیوں کے شیشے توڑ کر جان بچانے کے لیے چھلانگیں لگا رہے ہیں۔
آتشزدگی کا نشانہ بننے والا ہوٹل ارپت پیلس سیاحت کے لیے مشہور علاقے قرول باغ میں واقع ہے اور آگ نے اس کی بالائی منزل کو راکھ کے ڈھیر میں بدل دیا۔
حکام کے مطابق 35 افراد کو متاثرہ ہوٹل سے بحفاظت باہر نکال لیا گیا ہے جبکہ زخمی افراد کو ہسپتال منتقل کر دیا گیا ہے۔
آگ بجھانے والے عملے کے رکن ویپن کینٹا نے ہندوستان ٹائمز کو بتایا ‘(ہوٹل) کی راہدایوں کی آرائش لکڑیوں سے کی گئی تھی اور اس وجہ سے وہاں آگ پھیلی اور لوگ ان راستوں کو باہر نکلنے کے لیے استعمال نہ کر سکے۔’
انھوں نے مزید بتایا کہ کم از کم دو افراد نے عمارت سے باہر چھلانگیں لگائیں۔
ان کا کہنا تھا کہ آگ لگنے کی وجوہات جاننے کے لیے تفشیش جاری ہے۔ مقامی میڈیا کے مطابق ذیادہ اموات دم گھٹنے کی وجہ سے ہوئیں۔
انڈیا کے شہروں میں جہاں عمارتوں کے حفاظتی ضابطوں کی پابندی نہیں کی جاتی آگ لگنے کی واقعات کوئی غیر معمولی نہیں ہیں۔
بہت سی پرانی اور نئی عمارتوں میں آگ لگنے کی صورت میں باہر نکلنے کے باقاعدہ ہنگامی راستے نہیں ہیں۔
اس ہی وجہ سے گذشتہ مہینوں کے دوران دہلی کے مہنگے علاقوں میں کئی دکانیں اور ریستوران بند کیے گئے ہیں۔
تجارتی مقاصد کے لیے بنائی گئی عمارتوں کے مالکان اجازت لیے بغیر اضافی منزلیں تعمیر کر لیتے لیں۔
دلی کے وزیر ستیندرا جین نے این ڈی ٹی وی کو بتایا کہ ارپت پیلس ہوٹل کی عمارت میں بھی مالک نے خلاف ضابطہ پانچویں منزل تعمیر کر لی تھی جبکہ انھیں صرف چار منزلیں بنانے کی اجازت تھی۔
۔
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- چڑیا گھر میں سات سال تک نر سمجھا جانے والا دریائی گھوڑا مادہ نکلی - 25/04/2024
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
Facebook Comments - Accept Cookies to Enable FB Comments (See Footer).