امریکی ریاست کیلیفورنیا میں فائر فائیٹرز نے پہاڑی شیر کو درخت سے ’بچا لیا‘


امریکی ریاست کیلیفورنیا میں حکام کے مطابق ایک بہت بڑی بلی کو درخت سے بچا لیا گیا۔

یہ واقعہ اس وقت پیش آیا جب کیلیفورنیا میں ایک جائیداد کے مالک نے باغ میں کام کرتے ہوئے اس بڑی بلی کو درخت پر دیکھا۔

پہاڑی شیر یا امریکی تیندوے کو 50 فِٹ اونچی درخت کی شاخ پر دیکھے جانے کے بعد امریکی فائر فائیٹرز سان برنارڈینو میں واقع اس جائیداد پر پہنچے۔

فائر فائیٹرز نے اس علاقے کو محفوظ کرنے کے بعد اس جانور کو بے ہوش کیا اور گھوڑے کی زین استمعال کرتے ہوئے اسے زمین پر اتار لیا۔

یہ بھی پڑھیے

دنیا کے پانچ چالاک ترین جانور

جنگل کا بادشاہ تصاویر کے مقابلے میں کامیاب

لندن کے چڑیا گھر میں ’جانور شماری‘ کی تصویری جھلکیاں

ماہرینِ حیاتیات کی جانب سے جانور کی تشخیص کے بعد اسے جنگل میں چھوڑ دیا گیا۔

کیلیفورنیا کی فش اور وائلڈ لائف ڈپارٹمنٹ سے وابستہ ماہر حیاتیات کیون برینن کا کہنا ہے ’یہ پہاڑی شیروں کے لیے باہر گھومنے، اپنے علاقے کو قائم کرنے کی کوشش اور اپنے رہنے کی جگہ بنانے کی عام عادت ہے۔‘

محکمہ وارڈن کے ریک فشر کا کہنا ہے کہ جانور کو درخت سے کھینچنا مشکل ہو سکتا تھا اگر فائر فائیٹرز سنیچر کی دوپہر کو منٹوں کے اندر اندر اپنے ساتھ سیڑھی لے کر نہ آتے۔

ریک فشر کا سان بررناڈینو کاؤنٹی فائر کے فیس بک اکاؤنٹ پر پوسٹ کیے جانے والے بیان میں کہنا تھا ’شیر کو درخت پر چھوڑ دینا کمیونٹی کے لیے محفوظ نہیں تھا۔‘

امریکی تیندوے جنھیں پہاڑی شیروں، پینتھروں یا پیوماز کے طور پر بھی جانا جاتا ہے، جنگلی بلی خاندان کے رکن ہیں۔

کولوراڈو پارکس اینڈ وائلڈ لائف حکام کے مطابق پہاڑی شیر شازو نادر حملے کرتے ہیں اور ایک صدی سے زیادہ عرصے کے دوران ان کے حملوں میں کم سے کم ایک درجن افراد ہلاک ہوئے ہیں۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32286 posts and counting.See all posts by british-broadcasting-corp