مانچسٹر یونائیٹڈ: کیا محمد بن سلمان ’دنیا کا سب سے قیمتی فٹبال کلب‘ خریدنے لگے ہیں؟
آج کل پاکستانی ٹوئٹر پر ٹاپ ٹرینڈز میں سے زیادہ تر سعودی عرب سے متعلق ہیں۔ اس کی بنیادی وجہ سعودی عرب کے ولی عہد شہزادہ محمد بن سلمان کا دو روزہ دورہِ پاکستان ہے۔
ولی عہد کا نام دنیا بھر میں بھی ٹریند کر رہا ہے، مگر اس کی وجہ کچھ اور ہے۔
اتوار کے روز ٹوئٹر پر پھیلتی ہوئی خبروں کے مطابق محمد بن سلمان نے نامور برطانوی فٹبال ٹیم مانچسٹر یونائیٹڈ خریدنے کا فیصلہ کر لیا ہے۔
برطانوی اخبار دی سن کی رپورٹ کے مطابق محمد بن سلمان، جنھیں ایم بی ایس بھی کہا جاتا ہے، 3.8 ارب پاؤنڈز کی قیمت پر اس کلب کو خریدنا چاہ رہے ہیں۔
بیس دفعہ انگلش پرمیر لیگ جیتنے والی یونائیٹڈ کے مالکان امریکی گلیزر خاندان ہیں جنھوں نے 2005 میں 79 کروڑ پاؤنڈز کے عوض اس کلب کو خریدا تھا۔
سوشل میڈیا پر بھی لوگ بڑی تعداد میں اس پر اپنی رائے دے رہے ہیں۔
https://twitter.com/bpcl40/status/1096851404105400321
مانچسٹر یونائیٹڈ کے ایک مداح براین نے اپنی ٹویٹ میں کہا کہ ’اگر یونائیٹڈ نے ٹیم سعودی شہزادے کو بیچی تو میں مداحوں کا حصہ نہیں بنوں گا۔ میں کھلاڑیوں سے بھی درخواست کروں گا کہ وہ نہ آئیں کیونکہ وہ ایک ایسی حکومت کی حمایت کریں گے جو کہ اپنی مرضی سے لوگوں کو قتل کرتی ہے۔‘
دوسری جانب ولی عہد کے ایک حامی نے اپنے ٹوئٹر پر لکھا کہ ’جو لوگ کہ رہے ہیں کہ ایم بی ایس نے مانچسٹر یونائیٹڈ خرید کر خواتین کی ٹیم بند کر دینی ہے، وہ بیوقوف ہیں۔ ایم بی ایس نے کامیاب اصلاحات کے ذریعے خواتین ڈرائیورز پر پابندی ختم کی ہے۔ تو وہ خواتین کی ٹیم پر پابندی کیوں لگائیں گے؟ ٹویٹ کرنے سے پہلے اپنی تحقیق پوری کریں۔‘
ایم بی ایس سے متعلق یہ افواہیں گذشتہ سال اکتوبر سے گردش کر رہی تھیں، مگر صحافی جمال خاشقجی کے استنبول کے سعودی سفارت خانے میں قتل کے بعد ولی عہد پر ہونے والی تنقید کے بعد یہ خبریں دم توڑ گئیں۔
شاید اسی وجہ سے ٹوئٹر پر ہونے والی بحث میں مانچسٹر یونائیٹڈ کے شائقین زیادہ خوش نہ نظر آئے۔
Nah if the Saudis buy Manchester United I’ll never buy a ticket to a game again. Some things are bigger than football #MUFC https://t.co/GGjegzcDF2
— Premier League Varane (@ReiDoMUFC) February 16, 2019
ٹیم کے ایک اور مداح ہوان نے ٹویٹ کی کہ ’اگر سعودیوں نے مانچسٹر یونائیٹڈ خرید لی تو میں کبھی کسی میچ کی دوبارہ ٹکٹ نہیں خریدوں گا۔ کچھ چیزیں فٹبال سے زیادہ ضروری ہوتی ہیں۔‘
دی سن کے مطابق مانچسٹر یونائیٹڈ میں ذرائع نے ان افواہوں کو ہمیشہ رد کیا ہے، لیکن ان کا کہنا ہے کہ شاید 3.8 عرب پاؤنڈز کی آفر سے ان کا فیصلہ بدل جائے۔
ان کا یہ بھی کہنا ہے کہ محمد بن سلمان کی مانچسٹر یونائیٹڈ میں دلچسپی اس لیے ہے کیونکہ ان کی مخالف ٹیم مانچسٹر سٹی کے مالک ابوظہبی کے منصور بن زائد ال نہيان کا مقابلہ کر سکیں۔
تاہم سعودی عرب کے وزیر اطلاعات نے پیر کے روز اپنی ٹویٹ میں ان افواہوں کو مسترد کر دیا ہے۔
Reports claiming that HRH the Crown Prince Mohammed Bin Salman intends on buying @ManUtd are completely false. Manchester United held a meeting with @PIFSaudi to discuss sponsorship opportunity . No deal has been materialized.
— تركي الشبانه (@TurkiAlshabanah) February 17, 2019
ترکی الشبانہ نے ٹوئٹر پر لکھا کہ ’ولی عہد محمد بن سلمان کی مانچسٹر یونائیٹڈ خریدنے کی خبریں بالکل غلط ہیں۔ مانچسٹر یونائیٹڈ کی سعودی پبلک انویسٹمنٹ فنڈ سے سپانسرشپ پر بات کرنے کے لیے ملاقات ہوئی تھی۔ کوئی حتمی فیصلہ نہیں ہوا۔‘
- کینیڈا میں چار سو کلو خالص سونے اور لاکھوں ڈالر کی چوری کے کیس میں گرفتاریاں: ’منظم گروہ نے یہ سب نیٹ فلکس سیریز سٹائل میں کیا‘ - 20/04/2024
- انڈیا میں سول سروس کے امتحان میں کامیابی پانے والے مسلمان طلبہ: ’سخت محنت کا کوئی نعم البدل نہیں‘ - 20/04/2024
- ایرانی جوہری تنصیب اور ڈرون و بیلسٹک میزائل تیار کرنے والی فیکٹریوں کے مرکز اصفہان کی سٹریٹجک اہمیت کیا ہے؟ - 20/04/2024
Facebook Comments - Accept Cookies to Enable FB Comments (See Footer).