ٹریور نوح کی پاکستان انڈیا کشیدگی کے بارے میں مذاق پر معذرت
امریکی کامیڈین ٹریور نوح نے پاکستان اور انڈیا می کشمیر کے مسئلے پر بڑھتی کشیدگی کے بارے میں مذاق کرنے پر معافی مانگ لی ہے۔
دا ڈیلی شو کی ایک قسط میں ٹریور نے کہا تھا کہ دونوں ملکوں میں ہونے والی جنگ ’سب سے زیادہ پُرلطف‘ اور ’آج تک کی سب سے لمبی جنگ ہو گی – ایک اور ڈانس نمبر!‘
اس قسط کے نشر ہونے کے بعد ٹوئٹر پر شدید ردِ عمل دیکھنے میں آیا تھا اور صارفین نے نوح کے اس کمنٹ کو اشتعال انگیز اور جارحانہ قرار دیا تھا۔
جب ٹوئٹر پر ایک صارف نے ٹریور پر الزام لگایا کہ وہ بالی وڈ کے دقیانوسی خیال کے ذریعے جنگ کے بارے میں مذاق کر رہے ہیں تو انھوں نے ایک ٹویٹ میں معافی مانگ لی۔
اس کے بعد ایک اور ٹویٹ میں نوح نے کہا کہ وہ حیران ہیں کہ اس معاملے پر ان کا مذاق اصل تنازعے سے زیادہ ٹرینڈ کر رہا ہے
۔
اس سے قبل صارفین نے نوح کو جواب دیتے ہوئے کہا کہ ان کا تبصرہ ’نسل پرستانہ‘ اور ’بے رحمانہ‘ ہے۔
نوحا نے پاکستان اور انڈیا کے درمیان گذشتہ کچھ ہفتوں میں بڑھنے والی کشیدگی کے بارے میں مزاق کیا تھا۔
14 فروری کو انڈیا کے زیر انتظام کشمیر میں انڈین نیم فوجی دستے پر کیے جانے والے خودکش حملے میں کم از کم 40 اہلکار ہلاک ہو گئے تھے۔ اس حملے کی ذمہ داری کالعدم تنظیم جیشِ محمد نے قبول کی تھی۔
اس پر انڈیا نے 26 فروری کو جوابی کارروائی کرتے ہوئے پاکستان میں اپنے جنگی طیاروں سے گرائے جانے والے بموں سے جیشِ محمد کے کیمپ کو نشانہ بنانے کا دعویٰ کیا تھا۔
I thought @trevornoah's joke was funny! Come on people! Its a reference to Bollywood, which we must admit is often (endearingly) absurd and has great song and dance numbers. https://t.co/W0kawwcchS
— Sarah Haider 🤖👾 (@SarahTheHaider) March 3, 2019
اس کارروائی کے اگلے دن پاکستان نے لائن آف کنٹرول کے پار انڈین علاقے میں اہداف کو نشانہ بنایا تھا جس کے بعد پاکستانی فضائی حدود میں داخل ہونے والا ایک انڈین طیارہ بھی فضائی لڑائی کے دوران مار گرایا گیا تھا۔
پاکستان پلوامہ حملے میں ملوث ہونے کے الزامات مسترد کرتے ہوئے کہہ چکا ہے کہ اس سے پاس انڈین فضائی حملے کا جواب دینے کے علاوہ کوئی چارہ نہیں تھا۔
- ’اس شخص سے دور رہو، وہ خطرناک ہے‘ ریپ کا مجرم جس نے سزا سے بچنے کے لیے اپنی موت کا ڈرامہ بھی رچایا - 28/03/2024
- ترکی کے ’پاور ہاؤس‘ استنبول میں میئر کی نشست صدر اردوغان کے لیے اتنی اہم کیوں ہے؟ - 28/03/2024
- مولی دی میگپائی: وہ پرندہ جس کی دوستی کتے سے کرائی گئی اور اب وہ جنگل جانے پر راضی نہیں - 28/03/2024
Facebook Comments - Accept Cookies to Enable FB Comments (See Footer).