سلووینیا: ’فراڈ کے ذریعے‘ انشورنس حاصل کرنے لیے خاتون کا ہاتھ کاٹ دیا گیا
سلووینیا میں پولیس نے ایک خاتون پر اپنے خاندان کی مدد اور دھوکہ دہی سے انشورنس کلیم حاصل کرنے کے لیے اپنے ہاتھ آرے سے کاٹنے کا الزام عائد کیا ہے۔
21 سالہ خاتون اور ان کے ایک رشتے دار کو حراست میں لے لیا گیا ہے اور اگر انھیں مجرم قرار دے گیا تو انھیں آٹھ سال کی جیل کا سامنا کرنا پڑے گا۔
پولیس کا کہنا ہے کہ مشتبہ افراد نے حال ہی میں انشورنس لی ہے۔
مذکورہ خاتون نے مشتبہ طور پر 400,000 € (340,000£; 450,000$) کا معاوضہ اور انشورنس پالیسی سے تقریباً 3,000 € ماہانہ پیسے وصول کیے۔
یہ بھی پڑھیے
سابق سوئس بینکار گرفتار، دو ارب ڈالرز کا گھپلا
فراڈ کی تحقیقات میں شامل ارب پتی مودی کون ہیں؟
ایلون مسک کا فراڈ، ٹیسلا کے چیئرمین نہیں رہ سکیں گے
فرانس: بجٹ کے سابق وزیر کو ٹیکس فراڈ پر تین سال قید
پولیس کے مطابق اس خاندان کے چار ارکان کو رواں برس کے شروع میں حراست میں لیا گیا تاہم بعد میں دو کو رہا کر دیا گیا۔
پولیس کا مزید کہنا ہے کہ اس گروہ نے سلووینیا کے دارالحکومت لجوبلجانا میں واقع خاتون کے گھر میں ان کا ہاتھ جان بوجھ کر کاٹا۔
مذکورہ خاتون کے رشتے داروں نے انھیں ہسپتال پہنچایا اور ہسپتال کی انتظامیہ کو بتایا کہ خاتون نے لکڑی کاٹتے ہوئے خود کو زخمی کر لیا ہے۔
حکام کا کہنا ہے کہ ملزمان خاتون کا جدا کیا ہوا ہاتھ ہسپتال لے جانے کے بجائے گھر میں ہی چھوڑ گئے تاکہ اس بات کا یقین دلایا جا سکے کہ ان کی معذوری مستقل ہے تاہم حکام نے اس خاتون کا کٹا ہوا ہاتھ وقت پر برآمد کر لیا اور اسے واپس جوڑ دیا گیا ہے۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).