وینیزویلا: بجلی کے بعد اب لوگوں کو پانی کی قلت کا سامنا
وینیزویلا کے دارلحکومت کاراکاس سمیت دیگر شہروں میں چھ روز سے بجلی کی فراہمی معطل ہونے کے باعث اب پانی کا بحران پیدا ہو گیا ہے اور شہری پانی کے لیے ترسنے لگے ہیں۔
گھروں کو پانی فراہم کرنے والے بہت سے پمپس نے جمعرات کے روز کام کرنا چھوڑ دیا تھا جب پہلی بار بجلی کی فراہمی معطل ہوئی تھی۔
تاہم کچھ علاقوں میں مختصر دورانیے کے لیے بجلی بحال بھی ہوئی اور لوگ پانی جمع کرنے میں کامیاب ہو گئے، لیکن بعض علاقوں میں گذشتہ چھ روز سے پانی کی فراہمی معطل ہے۔
بہت سے علاقوں میں پانی کی سپلائی وقفے وقفے سے جاری ہے، جو آہستہ آہستہ کم ہو رہی ہے۔
دارلحکومت کاراکاس کے مشرق میں واقع ایک عوامی پارک میں کئی خاندانوں نے پانی کے پائپس کے ذریعے پلاسٹک کی بوتلوں میں پانی جمع کیا۔
بعض شہریوں نے پانی کی تلاش میں شہر کے مضافات میں واقع پہاڑوں کا بھی رخ کیا۔ خالی برتن اٹھائے لوگوں کی لمبی قطاروں کو ان راستوں پر دیکھا جا سکتا ہے۔
شہر کے مرکز میں کئی شہریوں نے گلیوں میں موجود بچے کچھے پانی کو ہاتھوں سے جمع کرنے کی بھی کوشش کی، جبکہ بعض نے شہر کے نکاسی آب کے نظام سے بھی پانی حاصل کرنے کی کوشش کی۔
تمام تصاویر کے جملہ حقوق محفوظ ہیں۔
- پاکستان میں چینی انجینیئرز پر حملے اور خدشات: کیا چین پاکستان میں سی پیک کے منصوبے منسوخ کر سکتا ہے؟ - 19/04/2024
- انڈیا میں الیکشن کے پہلے مرحلے کا آغاز جہاں کروڑپتی امیدوار ووٹ کے لیے پیسے کے علاوہ سونا اور چاندی بھی استعمال کرتے رہے - 19/04/2024
- سڈنی شاپنگ مال حملہ: آسٹریلیا میں ’بہادری کا مظاہرہ‘ کرنے والے زخمی پاکستانی سکیورٹی گارڈ کو شہریت دینے پر غور - 19/04/2024
Facebook Comments - Accept Cookies to Enable FB Comments (See Footer).