شو بزی ڈائری: سلمان خان عالیہ بھٹ کے سامنے کس کردار میں آئیں گے؟
انڈین وزیر اعظم نریندر مودی کی زندگی پر فلم بنانے والے فلسماز امنگ کمار کا کہنا ہے کہ ان کی زندگی کی کہانی بہت دلچسپ ہے جو ملک کے نوجوانوں کو تحریک دے سکتی ہے کہ کس طرح ایک چائے والا ملک کا وزیر اعظم بن جاتا ہے۔
مودی جی کے دورِ حکومت میں نیشنل فلم ایوارڈ حاصل کرنے والے فلمساز امنگ کمار کا کہنا ہے کہ ان کی فلم کوئی پراپیگینڈہ فلم نہیں بکہ ایک بایوپک ہے۔
واضح رہے کہ یہ فلم انڈیا میں پانچ اپریل کو ریلیز ہو رہی ہے جبکہ ملک میں 11 اپریل سے عام انتخابات بھی شروع ہو رہے ہیں۔
امنگ صاحب عام انتخابات کے موقع پر اس طرح کی فلم ریلیز کرنے کا مطلب پراپیگینڈہ نہیں تو اور کیا ہے؟
جہاں تک ایک ایماندار بائوپک کا تعلق ہے تو لوگ امید کریں گے کہ آپ نے فلم میں مودی جی کا صحیح کردار، ان کی زندگی اور ان کی متنازع سیاست سے جڑے ہر اس واقعہ کو پیش کیا ہو گا جس نے ملک میں رہنے والے لوگوں کی زندگیوں کو بری طرح متاثر کیا ہے۔
رہی بات انتخابات کے موقع پر اس طرح کی فلم ریلیز کرنے کی تو کچھ سیاسی جماعتوں نے الیکشن کمیشن کی توجہ اس جانب مبذول کرنے کی کوشش ضرور کی ہے لیکن کارروائی ہو گی یا نہیں اس بارے میں نہ تو کچھ کہا جا سکتا ہے اور نہ ہی کیا جا سکتا ہے کیونکہ لوگوں کا خیال ہے کہ مودی جی کی با اثر شخصیت نے ملک کے لوگو ں کو ہی نہیں اہم اداروں کو بھی کافی متاثر کیا ہے۔
یہ بھی پڑھیے
’عورتوں کو پہلے خود سے محبت کرنی چاہیے‘
’ہینگ لگے نہ پھٹکری اور رنگ بھی آئے چوکھا‘
سیف علی خان اپنی بیٹی کے بارے میں فکر مند کیوں؟
رنویر دیپیکا کا نام اپنانے پر کیوں آمادہ ہوئے؟
سارہ علی خان دو کامیاب فلمیں دینے کے بعد اب اپنے من پسند ہیرو کارتک آرین کے ساتھ بڑے پردے پر نظر آنے والی ہیں۔
کارتک اور سارہ فلسماز امتیاز علی کی اگلی فلم کے مرکزی کردار ہوں گے۔ اگرچہ فلم کا ٹائٹل ابھی طے نہیں ہوا تاہم فلم کے سیٹ سے دونوں کی ایک رومانٹک تصویر ضرور جاری کی گئی ہے۔ فلم اگلے سال ویلنٹائن ڈے پر ریلیز کی جائے گی۔
کیدار ناتھ اور سمبا کی ہیروئن سارہ نے کئی مرتبہ اقرار کیا ہے کہ وہ کارتک آرین کو پسند کرتی ہیں اور ٹی وی شو کافی ودھ کرن میں انھوں نے یہاں تک کہہ دیا کہ وہ کارتک کے ساتھ ڈیٹ پر جانا چاہتی ہیں جس پر کارتک نے بھی مثبت جواب دیا تھا۔
بحرحال ان دونوں کی اس چھیڑ چھاڑ کے پس منظر میں ان دونوں کی آن سکرین کیمسٹری دیکھنے میں لوگوں کی کافی دلچسپی ہو گی۔
فلمساز سنجے لیلی بھنسالی سالوں بعد ایک بار پھر سلمان خان کے ساتھ فلم بنانے کے لیے تیار ہیں اور سلمان نے بھی رضا مندی ظاہر کر دی ہے۔ فلم کا نام ہے انشا اللہ۔
اس فلم کی خاص بات یہ بھی ہے کہ فلم میں سلمان کے ساتھ عالیہ بھٹ ہیں۔ جب سے یہ خبر سامنے آئی ہے سوشل میڈیا پر سلمان کے مداح تو خوش ہیں لیکن کچھ منچلوں نے عالیہ اور سلمان کی وہ تصاویر شیئر کرنی شروع کر دی ہیں جس میں عالیہ ننھی سی بچی اور سلمان جوان ہیں۔
لوگوں نے فلم کی تفصیل جانے بغیر ہی حسبِ معمول اپنی رائے کا اظہار شروع کر دیا بلکل اس طرح جب فلم ڈیئر زندگی کے لیے شاہ رخ اور عالیہ کے ناموں کا اعلان کیا گیا تھا جس میں شاہ رخ عالیہ کے ہیرو نہیں ایک ٹیچر کی طرح تھے۔ دیکھتے ہیں کہ سلمان عالیہ کے سامنے کس کردار میں آئیں گے؟
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- ہیلری کلنٹن کے ساتھ کام، غزہ جنگ پر ’خاموشی‘: غزہ کے لوگوں کے لیے میری حمایت پر کوئی کنفیوژن نہیں ہونی چاہیے، ملالہ یوسفزئی کا تنقید پر جواب - 25/04/2024
Facebook Comments - Accept Cookies to Enable FB Comments (See Footer).