انڈین الیکشن: سابقہ کرکٹر گوتم گھمبیر بی جے پی میں شامل
انڈیا کے سابقہ بیٹسمین اور ورلڈ کپ فاتح گوتم گھمبیر نے عام انتخابات سے قبل ہندو قوم پرست حکمران جماعت، بھارتی جنتا پارٹی (بی جے پی) میں شمولیت اختیار کرلی ہے۔
اس بات کا اعلان انھوں نے دِلی میں وزیرِ خزانہ ارُن جیٹلی کے ہمراہ ایک پریس کانفرنس سے خطاب کرتے ہوئے کیا۔ ان کا کہنا تھا کہ ’میں وزیرِ اعظم اور ملک کے لیے ان کے خیالات سے متاثر ہوا ہوں۔‘
انھوں نے مزید کہا کہ یہ (بی جے پی) ایک شاندار پلیٹ فارم ہے جس کے ذریعے وہ انڈیا کے لیے کچھ کر سکتے ہیں۔
یہ بھر پڑھیے
پاکستانی جیت پر میر واعظ اور گمبھیر کا ٹکراؤ
مسئلہ کشمیر پر آفریدی اور گوتم میں لفظی جنگ
کمرے میں ایسا کیا ہوا کہ گمبھیر نے کپتانی چھوڑ دی؟
گوتم گھمبیر کو حال ہی میں پدم شری ایوارڈ سے نوازا گیا تھا جو انڈیا کا چوتھا بڑا سیویلین ایوارڈ ہے۔ اس ایوارڈ پر انھیں وزیراعظم مودی کی طرف سے مبارک باد کا خط بھی موصول ہوا۔
کیا گوتم بی جے پی کے لیے چھکا لگا سکیں گے؟
گوتم کو ان کے جارحانہ بیٹنگ سٹائل کے لیے جانا جاتا ہے۔ وہ سوشل میڈیا پر خاصے ایکٹو ہیں اور وقتاً فوقتاً سیاست سے متعلق ٹوئٹس کرتے رہتے ہیں۔
https://twitter.com/GautamGambhir/status/1109080949222969344
وہ قوم پرستی سے متعلق مسائل پر کھل کر بات چیت کرنے کے لیے مشہور ہیں، جو اس بات کا اشارہ تھا کہ شاید وہ سیاست میں شامل ہو جائیں۔
انڈیا میں عام انتخابات سے قبل حکمران جماعت میں ان کی شمولیت کا فیصلہ بی جے پی کے لیے مذید سیٹیں حاصل کرنے میں مددگار ثابت ہو سکتا ہے، کیونکہ ٹوئٹر پر اپنے نو ملین کے قریب فالورز کے ساتھ گوتم گھمبیر اپنے ساتھ قابلِ ذکر پرستاروں کی طاقت لاتے ہیں۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).