73 سالہ اسرائیلی فٹبالر دنیا کے سب طویل العمر کھلاڑی بن گئے

  •  
  •  
  •  
  •  
  •  
  •  
  •  
  •  
  •  
  •  
  •  
  •  

آئسیک ہائیک

Reuters
ہائیک کا کہنا تھا کہ پورے 90 منٹ کی گیم کھیلنے کے بعد وہ ایک ‘اور گیم کھیلنے کے لیے تیار’ تھے

73 سالہ اسرائیلی فٹبالر نے پیشہ وارانہ گیم میں حصہ لے کر دنیا کے سب سے طویل العمر کھلاڑی ہونے کا ریکارڈ قائم کر لیا ہے۔ جمعے کی دوپہر آئسیک ہائیک نے آئرونی اور یہودا نامی اسرائیلی ٹیم کے لیے گول کیپر کے طور پر کھیل کر یہ ریکارڈ بنایا۔

طویل العمری کے باوجود، ہائیک کا کہنا تھا کہ پورے 90 منٹ کی گیم کھیلنے کے بعد وہ ایک ‘اور گیم کھیلنے کے لیے تیار’ تھے۔

ہائیک کی 74ویں سالگرہ سے چند دن پہلے انھیں میچ کے بعد منعقد ہونے والی تقریب میں گینیز ورلڈ ریکارڈ سے نوازا گیا۔

یہ بھی پڑھیے

’کم مجھے کیوں بوڑھا کہتے ہیں میں نے انھیں چھوٹا اور موٹا نہیں کہا‘

نو علامات جن سے بڑھاپے کا پتہ چلتا ہے

’یہودیوں سے ہوشیار رہیں‘

آئسیک ہائیک

Reuters

آئرونی اور یہودا اسرائیلی لیگ کے چوتھے درجے لیگا بیٹ ساؤتھ اے میں کھیلتی ہے۔

حالانکہ مقابی رمت گان نامی ٹیم نے ان کی ٹیم کو 1-5 سے شکست دے دی تھی مگر عراق میں پیدا ہونے والے ہائیک نے میچ کے دوران کئی گول ہونے سے روکے۔

ہائیک نے خبر رساں ادارے روئٹرز کو بتایا ‘یہ صرف میرے لیے ہی نہیں بلکہ اسرائیلی کھیلوں کے لیے بھی فخر کی بات ہے۔’

ان کے 36 سالہ بیٹے موشے ہائیک کے مطابق ان کے والد کی کامیابی ‘ناقابل یقین’ ہے۔

آئسیک ہائیک

Reuters
آئسیک ہائیک

Reuters

موشے نے مزاق کرتے ہوئے کہا کہ اپنے والد کے ساتھ کھیلتے ہوئے وہ آئسیک سے پہلے تھک جاتے تھے۔

اس سے پہلے یہ ریکارڈ 53 سالہ یوروگوئن کھلاڑی روبرٹ کارمونا کو حاصل تھا جو سنہ 2015 میں پین ڈی ایزوکار نامی ٹیم کا حصہ تھے۔

جاپانی سٹرائکر کزواوشی میورا پیشہ ورانہ میچ میں گول کرنے والے سب سے طویل العمر فٹبالر ہیں۔

انھوں نے سنہ 2017 میں جے لیگ 2 میں یوکوہاما کے لیے کھیلتے ہوئے تھیسپا کوساٹسو کے خلاف فیصلہ کُن گول کر کے سر سٹینلے میتھیوز کا 52 سالہ پرانا ریکارڈ توڑ دیا۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10738 posts and counting.See all posts by british-broadcasting-corp