یورپی مصنوعات پر درآمدی ڈیوٹیاں عائد ہو سکتی ہیں: ٹرمپ کی دھمکی
امریکی صدر ڈونلڈ ٹرمپ نے یورپی یونین کو دھمکی دی ہے کہ اگر اس نے یورپی طیارہ ساز کمپنی ایئربس کو مراعات دینے کا سلسلہ بند نہ کیا تو امریکہ بھی یورپی یونین سے گیارہ ارب ڈالر کی درآمدات پر درآمدی محصولات عائد کرےگا۔
صدر ٹرمپ نے ایک ٹوئٹر پیغام میں کہا کہ یورپی یونین نے برسوں تک امریکہ کی تجارت سے فائدہ اٹھایا ہے لیکن اب اسے ختم ہونا ہو گا۔
یورپی یونین کے ذرائع نے بی بی سی کو بتایا ہے کہ یورپی یونین بھی ایئربس کی حریف کمپنی بوئنگ کے لیے امریکی مراعات کے حوالے سے اپنا ردعمل تیار کر رہی ہے۔
امریکہ اور یورپی یونین کے مابین ایک عشرے سے یہ تنازعہ ورلڈ ٹریڈ آرگنائزیشن کے فورم پر چل رہا ہے۔
صدر ٹرمپ ماضی میں بھی کئی بار کہہ چکے ہیں کہ یورپی یونین سے آنے والی کاروں اور سٹیل پر درآمدی ڈیوٹیاں عائد کر دیں گے۔
یورپی یونین کا موقف ہے کہ اگر امریکہ نے یورپی برآمدات پر درآمدی محصولات کا خطرناک کھیل کھیلا تو اس سے یورپی یونین کےممالک کی اقتصادی صورتحال تو متاثر ہو لیکن اس سے امریکہ کی معیشت بھی متاثر ہو گی۔
ماضی میں یورپی یونین بھی امریکی مصنوعات پر محصولات کی فہرست جاری کر چکی ہے جس میں ہارلے ڈیوڈسن موٹر سائیکل سے لے کر بوربن شراب تک شامل ہے۔
یورپی یونین کی ٹریڈ کمشنر سیلسیلیا مالمسٹورم نے کہا تھا کہ یورپی یونین اپنی اشیا پر محصولات کو دیکھ کر محض خاموش نہیں رہے گا۔
صدر ٹرمپ ماضی میں کہہ چکے ہیں کہ یورپی یونین کے ساتھ امریکی تجارت میں توازن تبدیل کرنے کی ضرورت ہے۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).