تھائی لینڈ: دنیا کی سب سے بڑی پانی کی لڑائی کا آغاز
تھائی لینڈ میں اس سال کے سونگ کران فیسٹول کا آغاز ہو گیا ہے۔ سونگ کران فیسٹول کو بدھ مت کا نیا سال بھی کہتے ہیں۔
تیرہ سے پندرہ اپریل تک تھائی لینڈ میں منائے جانے والے اس تہوار کو لاوس، کمبوڈیا اور میانمار میں بھی منایا جاتا ہے۔
سونگ کران تہوار کو اکثر دنیا کی سب سے بڑی پانی کے لڑائی بھی کہا جاتا ہے۔
تھائی لینڈ بھر سے تصاویر میں بڑی تعداد میں افراد اس تہوار کو مناتے دکھائی دیتے ہیں۔
اس تہوار کے دن چھٹی ہوتی ہے اور اس دن لوگ رشتہ داروں کے گھر جا کر اور بدھا کے مجسمے پر پانی ڈال کر اسے روائیتی طریقے سے مناتے ہیں۔
اس تصویر میں لوگ بدھا کے مجسمے پر خشبودار پانی ڈال رہے ہیں۔
اس تہوار میں پانی ڈالنے کا مطلب گزشتہ برس کی بدقسمتی کو دھونا سمجھا جاتا ہے۔
یہ بھی پڑھیے!
ہولی کے رنگوں میں ڈوبے ممالک، تصاویر میں
سپین میں ٹماٹروں کا سالانہ میلہ
مصر کے صحرا میں عقابوں اور بازوں کا میلہ
اس تصویر میں ہاتھی اور لوگ پانی پھینکتے دکھائی دے رہے ہیں.
ہزاروں کی تعداد میں سیاح ہر سال اس سونگ کران تہوار کو دیکھنے کے لیے تھائی لینڈ اور خصوصاً بینکاک کا دورہ کرتے ہیں۔
بہت سے افراد کو شوخ اور رنگ برنگے کپڑوں میں اس تہوار کو مناتے ہوئے دیکھا جا سکتا ہے۔
پندرہ اپریل کو یعنی تھائی لینڈ کے نئے سال کے پہلے دن لوگ مندروں میں کھانا دینے اور مندروں کے راہبوں کو نیا لباس دینے کے لیے اکٹھے ہوتے ہیں۔
تمام تصاویر کے جملہ حقوق محفوظ ہیں۔
Facebook Comments - Accept Cookies to Enable FB Comments (See Footer).