نومولود بچے کی لاش کو قبر سے نکال کر بھیک مانگنے والا گرفتار
لاہور پولیس نے ایک شخص کو گرفتار کیا ہے جو ایک نومولود بچے کی لاش کو قبر سے نکال کر بھیک مانگ رہا تھا۔ پولیس نے ملزم کے قبضے سے نومولود بچے کی لاش بھی برآمد کر لی ہے۔
تھانہ بادامی باغ کے سٹیشن ہاؤس آفیسر سہیل کاظمی نے بی بی سی کو بتایا کہ بادامی باغ کے رہائشی شجاع الرحمن کے ہاں شادی کے سات سال کے بعد بیٹا پیدا ہوا جو کہ پیدائش کے فوری بعد انتقال کرگیا۔
یہ بھی پڑھیے
’منشیات فروشوں کی ٹانگیں توڑ دیں‘: ترک وزیر داخلہ
’ذہنی اور دوستوں کا دباؤ منشیات کے استعمال کی اہم وجہ‘
اُنھوں نے کہا کہ نومولود بچے کی تدفین کردی گئی۔ مقامی پولیس کے مطابق تدفین کے چند ہی گھنٹوں کے بعد جب اس کا والد اور دیگر رشتہ دار نومولود بچے کی قبر پر پھولوں کی چادر چڑھانے کے لیے گئے تو دیکھا تو نومولود بچے کی قبر کھدی ہوئی تھی اور وہاں سے لکڑیوں کے علاوہ نومولود بچے کی لاش بھی غائب تھی۔
ایس ایچ او تھانہ بادامی باغ کے مطابق پہلے تو گھر والوں نے سمجھا کہ شائد کوئی جنگلی جانور یا آوارہ کتے نومولود بچے کی لاش کو نکال کر لے گئے ہیں لیکن پھر اُنھوں نے اس واقعہ سے متعلق مقامی تھانے میں اطلاع دی۔
پولیس کے مطابق اس واقعہ سے متعلق رپورٹ درج کرنے کے بعد مقامی گورکن کو بھی شامل تفتیش کرنے کے ساتھ ساتھ لاہور کے مختلف علاقوں میں واقع مزاروں کے باہر بھی لوگوں کی چھان بین کی گئی۔
پولیس اہلکار کا کہنا تھا کہ پیٹرولنگ پر موجود پولیس اہلکاروں نے ایک مشکوک شخص کو حراست میں لیا جس کی گود میں ایک نومولود بچہ تھا۔ بعدازاں جب اسے تھانے منتقل کیا گیا تو بچہ پہلے سے ہی مردہ تھا۔
گرفتار ہونے والے شخص کا نام الیاس بتایا گیا ہے اور وہ پیشہ وار بھکاری ہے۔ مقامی پولیس کا کہنا ہے کہ دوران تفتیش ملزم نے پولیس کو بتایا کہ جب نومولود بچے کی لاش کی تدفین کر رہے تھے تو وہ اس وقت قریب ہی موجود تھا اور اس کو دفنانے کے بعد جب سب لوگ وہاں سے چلے گئے تھے تو اس نے رات کے اندھیرے میں قبر کھود کر بچے کی لاش نکالی اور پہلے اس کا کفن بیچا اور پھر اس کے بعد بس سٹینڈ پر بھیک مانگنے کا ارادہ تھا۔
پولیس نے ملزم کے خلاف مقدمہ درج کرکے تفتیش شروع کردی ہے اور مقامی پولیس کا کہنا ہے کہ جن دفعات کے تحت مقدمہ درج کیا گیا ہے وہ ناقابل ضمانت جرم ہے اور جرم ثابت ہونے پر مجرم کو دس سال تک قید کی سزا ہوسکتی ہے۔
پاکستان کے سب سے بڑے صوبے پنجاب میں قبروں سے مردوں کو نکال کر ان کی بےحرمتی کرنے کے متعدد واقعات ہوچکے ہیں اور پولیس حکام کے مطابق ایسے مقدمات میں ملوث متعدد ملزمان صوبے کی مختلف جیلوں میں قید ہیں۔
- بہاولنگر تھانے پر فوجیوں کے دھاوے کا پولیس کے مورال پر اثر: ’کس کی جرات کہ فوج کو قصوروار کہے چاہے وہ ہمارے آئی جی ہی کیوں نہ ہوں‘ - 16/04/2024
- کیا انڈیا دنیا کی اگلی سپر پاور بن سکتا ہے؟ - 16/04/2024
- پاکستان میں خواتین کو گھورنے کا مسئلہ: ’گھورنے پر وہی اکتفا کرتے ہیں جنھیں اس سے بڑھ کر کچھ کرنے کا موقع نہیں ملتا‘ - 16/04/2024
Facebook Comments - Accept Cookies to Enable FB Comments (See Footer).