سری لنکا میں ہونے والے حملوں کی تصویری جھلکیاں
سری لنکا میں اتوار کو مسیحی برادری کے مذہبی تہوار ایسٹر کے موقع پر ہونے والے متعدد بم دھماکوں کے نتیجے میں دو سو سے زیادہ افراد ہلاک ہو گئے جنھیں ملک کے تین شہروں میں گرجا گھروں اور ہوٹلوں میں نشانہ بنایا گیا۔
یہ حملے ایسے موقع پر ہوئے جب گذشتہ دس سال سے ملک میں خانہ جنگی کے اختتام کے بعد سے امن کے قیام کی کوششیں ہو رہی تھیں۔
واقعے کے بعد سے سری لنکا بھر میں گرجا گھروں پر فوجیوں کو تعینات کر دیا گیا ہے اور لوگ اپنے پیاروں کو تلاش کرنے میں مردہ خانوں کے چکر لگا رہے ہیں۔
اس تصویر میں دیکھا جا سکتا ہے کہ شہر بّٹی کالؤا میں مردہ خانے کے عملے کے دو افراد کام سے تھکن کے بعد وقفہ لے رہے ہیں۔
اس شہر کے زائون چرچ میں حملہ ہوا تھا۔
وہ جنھوں نے اپنے پیاروں کی شناخت کر لی تھی وہ ان کے لیے نہایت مشکل مرحلہ تھا۔
ملک کے دارالحکومت کولمبو کے علاقے کوچ چکیادے میں سینٹ انتھونی چرچ پر بھی حملہ ہوا تھا جس کے بعد اس کے باہر سکیورٹی اہلکار تعینات ہوگئے۔
ملک کی اکثریت آبادی بدھ مت کے پیرو کاروں کی ہے۔ ان میں سے چند راہبوں نے دھماکوں کے بعد کولمبو کے چرچ کا دورہ کیا۔
گرجا گھروں کے علاوں کولمبو کے ہوٹلوں کو بھی نشانہ بنایا گیا۔
اس تصویر میں کنگزبری ہوٹل کو ہونے والے نقصان کو واضح طور پر دیکھا جا سکتا ہے۔ .
نگیمبو شہر کے سینٹ سباشین چرچ میں پادری واقعے کے بعد سکتے ہیں میں جبکہ سکیورٹی اہلکار وہاں کا معائنہ کر رہے ہیں۔
اسی چرچ میں پولیس سینٹ جیمز کے مجسمے کو دیکھ رہی ہے جس کے ارد گرد دیوار پر خون کے نشان ہیں۔
کولمبو کے سینٹ انتھونی چرچ کے باہر کے مناظر۔
بم دھماکے کے بعد ملک کے وزیر اعظم رانیل وکرما سنگھے نے گرجا گھر کے دورہ کیا۔
تمام تصاویر کے جملہ حقوق محفوظ ہیں۔
- شاپنگ مال میں چاقو بردار شخص سے لڑنے والے شخص کو ویزے میں توسیع اور آسٹریلین شہریت کی پیشکش - 16/04/2024
- بہاولنگر تھانے پر فوجیوں کے دھاوے کا پولیس کے مورال پر اثر: ’کس کی جرات کہ فوج کو قصوروار کہے چاہے وہ ہمارے آئی جی ہی کیوں نہ ہوں‘ - 16/04/2024
- کیا انڈیا دنیا کی اگلی سپر پاور بن سکتا ہے؟ - 16/04/2024
Facebook Comments - Accept Cookies to Enable FB Comments (See Footer).