کیا آپ نہاتے وقت اپنی ٹانگیں دھوتے ہیں؟
اگر کوئی آپ سے یہ سوال پوچھے کہ کیا آپ نہاتے وقت اپنی ٹانگیں بھی دھوتے ہیں، تو آپ کا جواب کیا ہو گا؟
سب سے پہلے تو کوئی ایسا سوال پوچھے گا ہی کیوں؟ ہمیں نہیں پتہ کہ ٹوئٹر صارف کانر آرپ ویل کے ذہن میں کیا آیا مگر انھوں نے بالکل یہی سوال ایک ٹوئٹر پول میں پوچھ ڈالا۔
https://twitter.com/Arpwel/status/1126594900055793671
اب ہم آپ جیسے لوگ سوچیں گے کہ مذاق ہے! ظاہر ہے سب اپنے پورے جسم کے ساتھ ساتھ اپنی ٹانگیں بھی دھوتے ہیں۔ نہیں؟ نہیں!
پول میں ابھی تین دن باقی ہیں اور آٹھ لاکھ سے زیادہ لوگ ووٹ دے چکے ہیں۔ اب تک کے نتائج کے مطابق 81 فیصد لوگ دھوتے ہیں مگر آخر یہ 19 فیصد لوگ کون ہیں اور انھوں نے نہانا کہاں سے سیکھا؟
اس ٹویٹ کے نیچے ہزاروں جواب ہیں۔ کانر آرپ ویل نے تو واضح کر دیا کہ وہ اپنی ٹانگیں ضرور دھوتے ہیں۔ انھوں نے لکھا ’میرا نام کانر آرپ ویل ہے اور میں ٹانگیں دھونے والوں میں سے ہوں۔ ٹانگیں دھونا میرے لیے بہت اہم ہے لیکن جو لوگ، کسی بھی وجہ سے، ٹانگیں نہیں دھوتے، میں ان کے خلاف بھی نہیں۔
’میں نے تو یہ صرف اس لیے شروع کیا تھا کہ ایک ہلکے پھلکے موضوع پر بات ہو سکے۔ ایل او ایل۔‘
https://twitter.com/Arpwel/status/1126889261129719816
بات تو بالکل ہوئی۔ اب کیلی 4 ڈیز کا ہی جواب لے لیجیے، جنھوں نے سنہ 2017 میں شائع ہونے والے ایک آرٹیکل کا حوالہ دیتے ہوئے لکھا، ’میں نہیں دھوتی (اگر میں ٹانگیں شیو نہ کر رہی ہوں تو)، اور مجھے لگتا ہے کہ میں صحیح ثابت ہوئی ہوں اور پراعتماد ہوں کہ میری جلد کا اپنا قدرتی تیل محفوظ ہے۔‘
I DO NOT (unless I'm shaving) AND I FEEL VINDICATED AND CONFIDENT THAT MY SKIN'S ESSENTIAL OILS ARE IN TACT pic.twitter.com/NcZbPZnas4
— kelly (@kjxoxo) May 10, 2019
ایسا ہی کچھ خیال ٹوئٹر صارف کلینڈریکل ہیریٹک کا بھی ہے۔ انھوں نے لکھا، ’میری ٹانگیں سارا دن میری پتلون میں محفوظ رہی ہیں۔ مسئلہ کیا ہے؟‘
https://twitter.com/PreciousBFluids/status/1126660233701445633
ٹوئٹر ہینڈل شائی لِٹل مِس نے لکھا، ’میں صرف تب ٹانگیں دھوتی ہوں اگر میری ٹانگیں ڈھکی نہ ہوں، یا پھر میں جِم گئی ہوں۔ میں ٹانگیں دھویا کرتی تھی لیکن ’ایکزما‘ کی وجہ سے صابن کا استعمال بند کرنا پڑا۔ صابن آپ کی جلد کے لیے مفید نہیں اور نہ ہی ضروری ہے۔‘
I only do if I've been bare legged or to the gym and they feel sweaty. I used to but when I got eczema on my legs I had to stop as soap made it worse and I was told not to use SLS soaps. It's bad for your skin and mostly unnecessary 💁♀️
— RHI 🙈 (@shylittlemess) May 10, 2019
لیکن آپ سوچ سکتے ہیں کہ بہت سے لوگوں کو تو یقین ہی نہیں آیا کہ لوگ نہانے جاتے ہیں اور آدھا جسم دھوئے بغیر نکل آتے ہیں!
مارک نورمندین نے لکھا ’میں نہیں جانتا تھا کہ اس میں یہ نہ کرنے کی گنجائش تھی!‘
…I didn't realize there was a choice here
— Marc Normandin (@Marc_Normandin) May 9, 2019
اور نکی نے وہ سوال پوچھا جو شاید ہم سب کے ذہن میں اٹھ رہا ہے، ’ان 19 فیصد افراد کے لیے جو نہاتے وقت ٹانگیں نہیں دھوتے۔۔ آپ لوگ اپنی ٹانگیں دھوتے کب ہو؟‘
https://twitter.com/SkepticNikki/status/1127079268813561856
- مولی دی میگپائی: وہ پرندہ جس کی دوستی کتے سے کرائی گئی اور اب وہ جنگل جانے پر راضی نہیں - 28/03/2024
- ماسکو حملے میں ملوث ایک تاجک ملزم: ’سکیورٹی افسران نے انھیں اتنا مارا کہ وہ لینن کی موت کی ذمہ داری لینے کو تیار ہو سکتا ہے‘ - 28/03/2024
- ٹوبہ ٹیک سنگھ میں لڑکی کے قتل کی ویڈیو وائرل: ’جو کچھ ہوا گھر میں ہی ہوا، کوئی بھی فرد شک کے دائرے سے باہر نہیں‘ - 28/03/2024
Facebook Comments - Accept Cookies to Enable FB Comments (See Footer).