کانز فیسٹیول کی پانچ بہترین فلمیں: فٹبال، موسیقی اور زندہ لاشیں


Iggy Pop, Diego Maradona, Margot Robbie and Elton John

Handout – Focus Features, Getty, Sony & Paramount

فلمی ستاروں، نئے چہروں اور بڑے چھوٹے موضوعات کی چکا چوند کے ساتھ 72 واں کین فلم فیسٹیول منگل سے شروع ہو چکا ہے۔

ان فلموں کے نمایاں کردار جانے پہچانے زومبیز (زندہ لاشیں)، فٹ بال کے مشہور کھلاڑی اور راک میوزک سٹارز تک ہیں۔ یہاں ہم پانچ فلموں کا تذکرہ کریں گے۔

short presentational grey line

دی ڈیڈ ڈونٹ ڈائی (The Dead Don’t Die)

Bill Murray and Adam Driver

Handout -Focus Features
ایڈم ڈرائیور اور بل مرے کی کیمسٹری کافی اچھی معلوم ہوتی ہے

منگل کی شام شہر کے گرینڈ لومئیر تھیٹر میں امریکی ہدایت کار جم جارمش کی مزاح سے بھرپور ڈراؤنی فلم ’دی ڈیڈ ڈونٹ ڈائی‘ نمائش کے لیے پیش کی گئی۔

اس فلم میں چند پولیس والے اور ایک مردہ خانے کی ماہر سینٹر وِل شہر کے ایک بے رونق قصبے کو ’زومبیز‘ کے ہجوم سے محفوظ رکھنے کی کوشش کرتے ہیں۔ لگتا ایسے ہے کہ اس فلم میں بڑے بڑے فلمی ستاروں کو محض مارنے کے غرض سے کاسٹ کیا گیا ہے۔

پولیس افسران کا کردار بل مرے، کلوئی سیوونی، اور ایڈم ڈرائیور جبکہ سردخانے کی انچارج کا کردار ٹلڈا سوونٹن نے نبھایا ہے۔ اگی پاپ، سارہ ڈرائیور اور کیرول کین نے زومبیز کے کردار میں نظر آئیں گے، لیکن شاید پہچانے نہ جائیں۔

اس سے قبل ایگی پاپ ہدایت کار جم جارمش کے ساتھ سنہ 2016 میں بننے آنے والی امریکی ڈاکیومنٹری فلم ’جمی ڈینجر‘ میں کام کر چکے ہیں۔

اور اس نئی فلم میں ایگی واحد میوزک سٹار نہیں ہیں۔ ان کے ساتھ سیلینا گومز، ’وو ٹینگ کلین‘ نامی میوزک بینڈ کے آر زی اے اور امریکی فوک گلوکار ٹام ویٹس بھی اس فلم میں جلوہ افروز ہوں گے۔

یہ ان 21 فلموں میں سے ایک ہے جو ’پلم دؤور‘ نامی مشہور ایوارڈ کے فائنل میں مقابلے کے لیے فرانس کے 400 سے زائد تھیٹروں میں بیک وقت نمائش کے لیے پیش کی جائے گی۔

یہ فلم آپ کو یا تو بہت ہنسائے گی یا ڈراؤنے مناظر سے آپ کا دل دہلائے گی۔ اپنا چہرہ چھپانے کے لیے ساتھ کوئی شال لانا مت بھولیے گا!

https://www.youtube.com/watch?time_continue=5&v=bs5ZOcU6Bnw


اٹلانٹکس (Atlantics)

خواتین ہدایت کار عموماً مشہور ایوارڈ جیتنے والوں کی فہرست میں نظر نہیں آتیں، جبکہ سیاہ فام خواتین فلم ساز تو اس فہرست میں بالکل ہوتی ہی نہیں۔

یہی وجہ ہے کہ رواں برس سینیگالی نژاد فرانسیسی ہدایت کار میٹی ڈئوپ نے اپنی فلم ’اٹلانٹکس‘ کے ساتھ انٹری مار کر مقابلے میں پہلی افریقی نژاد سیاہ فارم خاتون فلم ساز ہونے کا اعزاز حاصل کیا ہے۔

اس فلم کی مرکزی کردار مام سینے ادا کر رہی ہیں جو سینیگال کے دارالحکومت ڈاکار میں رہتی ہیں اور ان کا محبوب بہتر مواقعوں کی تلاش میں کشتی کے ذریعے یورپ جاتے ہوئے لاپتہ ہو جاتا ہے۔


راکٹ مین (Rocketman)

Taron Egerton in Rocketman

Handout -Paramount
اداکار ٹیرن ایگرٹن کہتے ہیں وہ سر ایلٹن جان کو ان کے اچھے اور برے، دونوں روپوں میں دکھانا چاہتے ہیں

جمعرات کی رات اس فلم کی نمائش کے لیے موزوں ہے اور اسی روز فلمی ستاروں کا جھرمٹ موسیقار سر ایلٹن جان کی زندگی پر مبنی فلم ’راکٹ مین‘ کی نمائش کے لیے جمع ہوگا۔

تاہم برطانیہ میں یہ فلم اس کے ایک ہفتے بعد ریلیز کی جائے گی۔

اس فلم کے ہدایت کار ڈیکسٹر فلیچر ہیں، جنھوں نے راک بینڈ کوئین کے گلوکار فریڈی مرکیوری کی زندگی پر 2018 میں ’بوہیمئن ریپسوڈی‘ کی ہدایت کاری کے فرائض بھی سرانجام دیے تھے۔

Taron Egerton as Elton John

Handout -Paramount Pictures
’راکٹ مین‘ کے مرکزی اداکار ٹیرن ایگرٹن

نمایاں پہلو یہ ہے اس فلم کو سر ایلٹن نے اپنے شوہر ڈیوڈ فرنیش کے ساتھ مل کر پروڈیوس کیا ہے۔ ’راکٹ مین‘ کے مرکزی اداکار ٹیرن ایگرٹن نے حال ہی میں بی بی سی کو بتایا تھا کہ ان کی کوشش ہوگی کہ وہ سر ایلٹن کو ان کے اچھے اور برے، دونوں روپوں میں دیکھائیں۔

https://www.youtube.com/watch?v=S3vO8E2e6G0


ڈیئگو میراڈونا (Diego Maradona)

Maradona

Handout -Alfredo Capozzi
متنازعہ میراڈانا اپنے ‘ہینڈ آف گاڈ’ گول کے لیے مشہور ہیں

اتوار کو ایک اور کرشماتی شخصیت اور تنازعات کے شکار فٹ بالر ڈیئگو میراڈونا کی زندگی پر مبنی ڈاکومینڑی کانز میں بڑی سکرین کی زینت بنے گی۔

ارجنٹینا کے متنازعہ فٹ بالر پر بننے والی یہ ڈاکومینڑی آصف کپاڈیا کی پیشکش ہے، جنھوں نے سنہ 2016 میں گلوکارہ ایمی وائن ہاؤس پر بنائی گئی فلم کے لیے آسکر ایوارڈ بھی جیتا تھا۔

آصف کپاڈیا نے اس سے پہلے برازیل کے مشہور فارمولا-ون کار ریسر ائرٹن سینا کی زندگی اور موت پر بھی ایک فلم بنائی تھی۔

اب وہ میراڈونا کی کہانی بیان کریں گے، جن کے کیرئیر کا سب سے مشہور واقعہ ’ہینڈ آف گاڈ‘ یعنی ’خدا کے ہاتھ‘ کا گول ہے۔

https://www.youtube.com/watch?v=Q-FUKOfBf2o&feature=youtu.be


ونس آپان اے ٹائم ان ہالی وڈ (Once Upon a Time in Hollywood)

Brad Pitt, Margot Robbie and Leonardo DiCaprio

Handout -Sony
لیونارڈو ڈی کیپریو، مارگو رابی اور بریڈ پٹ میں سے ایک نے اپنے تمام سٹنٹ خود کیے ہیں۔ بوجھو تو جانیں!

کانز فیسٹیول میں مشہور امریکی ہدایت کار کوئنٹن ٹیرنٹینو کی نئی فلم ’ونس اپان اے ٹائم ان ہالی وڈ‘ آخری لمحات میں شامل کی گئی۔

گذشتہ ماہ جاری کی گئی ابتدائی سلیکشن میں اس کا کوئی ذکر نہ تھا، لیکن فیسٹیول کے منتظمین نے اعلان کیا کہ وہ امریکی ہدایت کار کی فلم کو بخوشی قبول کریں گے۔

اس فلم میں لیونارڈو ڈی کیپریو بظاہر مشہور اداکار برٹ رینلڈز کا کردار ادا کر رہے ہیں، بریڈ بٹ ایک ہالی وڈ سٹنٹ مین بنے ہیں، جبکہ آسٹریلوی اداکارہ مارگو رابی اداکارہ شیرن ٹیٹ کے روپ میں دکھائی دیں گی۔

Brad Pitt and Leonardo DiCaprio

Handout -Sony Pictures
یہ فلم ایک اداکار اور اس کے سٹنٹ مین کی کہانی بیان کرے گی

یہ فلم 21 مئی کو نمائش کے لیے پیش کی جائے گی۔ اگر یہ فیسٹیول میں ایوارڈ جیت گئی تو یہ واقعی ایک ہالی وڈ طرز کی کہانی بن جائے گی۔

کانز فلم فیسٹیول 14 مئی کو شروع ہوا اور 25 مئی تک جاری رہے گا۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32288 posts and counting.See all posts by british-broadcasting-corp