#Batman: کیا رابرٹ پیٹنسن اب دنیا کے سب سے مشہور سپر ہیرو کے روپ میں نظر آئیں گے؟
آج کل سپر ہیروز کی کہانیوں پر مبنی فلمیں بہت مقبول ہو رہی ہیں اور ہالی وڈ کے تقریباً ہر اداکار کی کوشش ہے کہ وہ کسی نہ کسی کامک بک فرینچائز کے ساتھ منسلک ہو جائیں۔
لیکن کامک بکس کے مداح بھی عجیب ہی مخلوق ہیں اور کم ہی فلم سٹوڈیوز کے کسی بھی فیصلے سے خوش نظر آتے ہیں۔ خاص طور پر اگر وہ فیصلہ کسی مشہور کردار کی کاسٹنگ کا ہو۔
ڈی سی کامکس کے ’بیٹ مین‘ کا شمار بھی ایسے ہی کرداروں میں ہوتا ہے جن کے مداحوں کو خوش کرنا مشکل ہی نہیں، ناممکن بھی لگتا ہے۔
سوشل میڈیا پر نظر ڈالیں تو ایک کہرام برپا ہے اور #Batman کے ساتھ ساتھ فلم ’ٹوائی لائٹ‘ سے شہرت پانے والے اداکار رابرٹ پیٹنسن کا نام بھی ٹرینڈ کر رہا ہے۔
ماجرا کیا ہے؟
دراصل فلم سٹوڈیو وارنر برادرز نے اپنی اگلی ’بیٹ مین‘ فلم کے لیے اداکاروں کے انتخاب کا عمل شروع کر دیا ہے اور معروف امریکی میگزین ’ورائٹی‘ کے مطابق رابرٹ پیٹنسن اس کردار کے لیے مضبوط امیدوار ہیں۔
https://twitter.com/Variety/status/1129225949252206592
’ورائٹی‘ کے مطابق فلم کی شوٹنگ اس سال کے آخر یا اگلے سال سے شروع ہوگی اور اس بار ہدایت کاری کے فرائض ’پلینٹ آف دی ایپس‘ کے ڈائریکٹر میٹ ریوز سرانجام دیں گے۔
لیکن ’بیٹ مین‘ سیریز کے مداحوں نے حسبِ معمول رابرٹ پیٹنسن کے انتخاب کی خبر آتے ہی فلم انڈسٹری کے زوال پر لب کشائی شروع کر دی اور اپنے جذبات کو میمز کی شکل میں سوشل میڈیا پر نشر کرنا شروع کر دیا۔
کئی لوگوں نے اس بات کو مذاق میں اڑایا تو کچھ کافی سنجیدگی سے بیچارے رابرٹ کی اداکاری کا پوسٹ مارٹم کرتے رہے۔
https://www.facebook.com/TheBestMovieLines/photos/a.210896455726091/1346691338813258/?type=3&theater
چند لوگوں نے رابرٹ پیٹنسن کی پرانی فلموں کے میمز پر ’بیٹ مین‘ کا تڑکا لگا کر پیش کیا۔۔۔
https://twitter.com/jwalin_/status/1129242897268727808
کئی لوگ تو یہ خبر سن کر صدمے میں چلے گئے!
https://twitter.com/MitchBUnderwood/status/1129204231561342976
ایک صارف نے یہ بھی بتانے کی کوشش کی کہ اس پوری بحث کے دوران بیٹ مین پر کیا گزر رہی ہوگی۔۔۔
https://twitter.com/nuural_/status/1129285871914475520
تاہم اس بار ان دل جلے فینز کے مقابلے میں رابرٹ پیٹنسن کا فین کلب بھی متحرک ہو گیا اور انھوں نے 31 سالہ فلم سٹار کی تعریفوں کے پل باندھ دیے۔
https://twitter.com/MohitPuvvala/status/1129221817716092928
بعض مداحوں نے ان کی پرانی فلموں کے حوالے دیتے ہوئے یہ ثابت کرنے کی کوشش کی کہ رابرٹ پیٹنسن انتہائی ورسٹائل اداکار ہیں۔
https://twitter.com/Bill626/status/1129292279112454144
جبکہ کچھ لوگوں نے رابرٹ کی پرانی تصاویر کو کامک بکس کے برووس وئین سے تشبیح دینا شروع کر دی۔
https://www.instagram.com/p/Bxi3y6-HwiP/?utm_source=ig_web_copy_link
ایک صارف نے تو لکھ دیا کہ کوئی بھی نوجوان اداکار جس نے رومانوی فلمیں کر کے شہرت پائی ہو کبھی بھی کسی سپر ہیرو کے کردار میں کامیاب نہیں ہو سکتا۔ لیکن ساتھ لگی تصویر نے یہ واضح کر دیا کہ وہ طنز کر رہے ہیں۔
https://twitter.com/JKMemeQueen/status/1129209737311137792
کبھی خوشی، کبھی غم
یہ بہلی بار نہیں کہ فینز کی طرف سے ’بیٹ مین‘ کا کردار نبھانے والے کسی اداکار پر تنقید کی گئی ہو۔
- ’موت کا جزیرہ‘: اینتھریکس کے وہ خفیہ تجربے جن کے لیے برطانوی فوج نے سائنسدانوں کی مدد حاصل کی - 24/04/2024
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
- ’مایوس‘ والدہ کی چیٹ روم میں اپیل جس نے اُن کی پانچ سالہ بیٹی کی جان بچائی - 23/04/2024
Facebook Comments - Accept Cookies to Enable FB Comments (See Footer).