گرمپی کیٹ: انٹرنیٹ کی مقبول ’ناراض بلی‘ چل بسی
انٹرنیٹ پر اپنے ناراض تیور کی وجہ سے معروف ’گرمپی کیٹ‘ یا ناراض بلی کی مالکن کے مطابق منگل کے روز صرف سات سال کی عمر میں ان کی پالتو بلی چل بسی۔
گرمپی کیٹ کے ٹوئٹر اکاؤنٹ کے مطابق اِس کی موت پیشاب کی نالی کے انفیکشن اور اس میں پیش آنے والی پیچیدگیوں کی وجہ سے ہوئی۔
امریکی ریاست ایریزونا سے تعلق رکھنے والی ناراض بلی نے دنیا بھر میں ’لاکھوں لوگوں کو ہنسایا۔‘
https://twitter.com/RealGrumpyCat/status/1129310647458467840
یہ بھی پڑھیے
’بلی مارنے پر چڑیا گھر صاف کریں‘
70 ہزار کے بلّے کی گمشدگی آوارہ بلی کے سر
ناراض بلی کا اصل نام ٹارڈار ساس تھا۔ سنہ 2012 میں اس بلی کی چند تصاویر نے انٹرنیٹ پر مقبولیت حاصل کی تھی جس کے بعد دنیا بھر میں اس کی تصاویر میمز پھیل گئیں۔
ناراض بلی کی مالکن ٹیبیتھا بنڈسن کے مطابق چہرے پر غصے والے تاثرات کی وجہ اس کے پست قد کی نسل اور دانتوں کی مخصوص بناوٹ تھی۔
گرمپی کیٹ نے نہ صرف پوری دنیا گھومی بلکہ مختلف ٹی وی شوز میں بھی شرکت کی۔
سنہ 2014 میں ناراض بلی نے اپنی ذات پر بنائی گئی فلم میں بھی کام کیا جو کرسمس کے موقع پر ریلیز ہوئی اور اِس نے خوب شہرت حاصل کی۔
امریکی شہر سان فرانسسکو میں موجود مومی مجسموں کے لیے مشہور عجائب گھر مادام تساد نے 2015 میں ناراض بلی کا موم کا پتلا متعارف کرایا تھا۔
اس بلی کی شہرت کا اندازہ اس بات سے لگایا جا سکتا ہے کہ انسٹاگرام پر اِسے 20 لاکھ افراد فالو کرتے ہیں۔
https://twitter.com/coolcam101/status/1129329530424791040
گرمپی کیٹ کی موت کی خبر سننے پر ان کے مداحوں نے افسوس کا اظہار کیا اور اِن پر بننے والے ہزاروں میمز کو پھر سے شئیر کیا۔
https://twitter.com/YANKEE__MATT/status/1129356090389467136
مشہور کارٹون گارفیلڈ نے بھی انھیں اپنے سوشل میڈیا اکاؤنٹ کے ذریعے خراج تحسین پیش کیا۔
https://twitter.com/Garfield/status/1129442040679473158
سنہ 2014 میں بنی ایک فلم میں امریکی اداکارہ اوبری پلازہ نے اس ناراض بلی کو اپنی آواز دی تھی۔ ایک بیان میں ان کا کہنا تھا کہ گرمپی کیٹ کی موت کی خبر سن کر ان کا ’دل ٹوٹ گیا ہے۔‘
https://www.instagram.com/p/BxkdyuHHrVO/?utm_source=ig_web_copy_link
سنہ 2018 میں ناراض بلی کے مالکان نے کاپی رائٹ سے متعلق ایک مقدمے میں 710000 ڈالر (یعنی 555000 پاونڈ) جیتے تھے۔
گرمپی کیٹ لیمٹڈ نے امریکی کافی کمپنی گرینیڈ کے خلاف ان کی تصویر استعمال کرنے پر مقدمہ دائر کیا تھا۔
گرمپی کیٹ اور گرینیڈ کے درمیان ہونے والے معاہدے کے مطابق یہ کمپنی ناراض بلی کی تصویر صرف اپنا مخصوص مشروب ’گرمپاچینو‘ بیچنے کے لیے استعمال کرسکتی تھی۔
مگر کمپنی نے معاہدے کی خلاف ورزی کرتے ہوئے اپنی دوسری اشیا کی فروخت کے لیے بھی یہ تصویر استعمال کی۔
گرمپی کیٹ کی مالکن ٹیبیتھا بنڈسن اپنی پالتو بلی کی انٹرنیٹ پر مقبولیت سے قبل ایک ویٹر تھیں۔
برطانوی اخبار ایکسپرس کو دئیے گئے ایک انٹرویو میں انھوں نے بتایا کہ بلی کی سوشل میڈیا پر پہلی شرکت کے بعد ’میں نے اپنی نوکری چند ہی دنوں میں چھوڑ دی تھی۔‘
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- چڑیا گھر میں سات سال تک نر سمجھا جانے والا دریائی گھوڑا مادہ نکلی - 25/04/2024
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
Facebook Comments - Accept Cookies to Enable FB Comments (See Footer).