کانز فیسٹول: خواجہ سراؤں کی زندگی پر مبنی پاکستانی فلم ’رانی‘ کی نمائش
فرانس کے شہر کانز میں جاری فلمی دنیا کے سب سے بڑے میلے ’کانز فلم فیسٹول‘ میں پاکستانی خواجہ سراؤں کی زندگی پر بننے والی مختصر دورانیے کی فلم ’رانی‘ کی 20 سے 25 مئی تک نمائش جاری ہے۔
فلم کی کہانی کراچی کی سڑکوں پر کھلونے فروخت کرنے والے ایک خواجہ سرا کی زندگی کے گرد گھومتی ہے جو بھیک مانگنے اور جسم فرووشی کے بجائے کھلونے بیچ کر باعزت طریقے سے روزگار کمانے کو ترجیح دیتا ہے۔ ساتھ ساتھ ایک لاوارث بچے کو گود لے کر اُس کی پرورش بھی کرتا ہے اور اُسے معاشرے کے لیے اچھی مثال بنا کر پیش کرتا ہے۔
فلم کا مرکزی کردار ’رانی‘ پاکستان کی پہلی خواجہ سرا ماڈل اور اداکارہ کامی سڈ نے نبھایا ہے۔ فلم کے ہدایتکار پاکستانی نژاد امریکی حماد رضوی ہیں جبکہ یہ فلم گرے سکیل پروڈکشن ہاؤس کی پیشکش ہے۔
یہ بھی پڑھیے
کانز فلم فیسٹیول میں بالی ووڈ کے جلوے
‘خوش ہوں کہ مجھے بھی انسان سمجھا جا رہا ہے’
ایوارڈ تقریبات میں غلطیاں پہلے بھی تو ہوئیں
خواجہ سرا ماڈل اور اداکارہ کامی سڈ نے اپنی فلم ’رانی‘ کی دنیا کے سب سے بڑے فلمی میلے کانز فلم فیسٹول میں نمائش پر خوشی کا اظہار کرتے ہوئے کہا ہے ‘میں اپنے جذبات کو لفظوں میں بیان نہیں کرسکتی۔’
کامی سڈ ماڈلنگ اور اداکاری کے ساتھ ساتھ ایک سماجی کارکن بھی ہیں۔ وہ اپنے ادارے ‘سب رنگ’ کے زریعے خواجہ سراؤں کو بااختیار بنانے اور روزگار کے مواقع فراہم کرنے کے لیے کوشاں رہتی ہیں۔
بی بی سی سے بات کرتے ہوئے انھوں نے کہا ’معاشرے میں جو تبدیلی آرہی ہے اسے کیمرے کی آنکھ سے بند کر کے لوگوں کے سامنے پیش کرنا بہت ضروری ہے۔ اس کام میں فلمیں ایک بہت اہم کردار ادا کرتی ہیں۔‘
کامی نے بتایا کہ حال ہی میں پاکستان میں فلم’رانی’ کی نمائش کی گئی جسے خواجہ سرا کمیونٹی کے لوگوں نے بھی دیکھا اور اسے بے حد سراہا گیا۔
مختصر دورانیے کی پاکستانی فلم ’رانی‘ کو کئی بین الاقوامی ایوارڈز دیئے جاچکے ہیں۔ جن میں لاس اینجلس ایشین پیسیفک فلم فیسٹول کا سپیشل جیوری ایوارڈ اور سان لوئی اوبسپو انٹرنیشنل فلم فیسٹول کا بہترین نیریٹو شارٹ ایوارڈ بھی شامل ہیں۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).