برازیل میں قیدیوں کا جیل میں فیشن شو

  •  
  •  
  •  
  •  
  •  
  •  
  •  
  •  
  •  
  •  
  •  
  •  

فیشن شو

AFP
برازیل کے جیل میں منقدہ فیش شو میں شریک ماڈلز اور جیل قیدی

جب بھی سائو پائلو فیشن ویک کا نام آتا ہے تو ذہن میں دلکش مقامات، نامور ڈیزائنر اور ان کے ملبوسات زیب تن کیے خوبصورت ماڈلز ہی آتی ہیں۔

لیکن گذشتہ ہفتے اس فیشن ویک میں چند غیر معروف ڈیزائنرز کے ملبوسات کی نمائش بھی کی گئی۔ اس فیشن شو کا انعقاد بھی ایک ایک غیر معمولی جگہ کیا گیا۔ کسی مشہور ہال میں نہیں، یہ شو برازیل کی ایڈریانو مرے جیل میں ہوا۔

فیشن شو

AFP
جیل کے صحن میں بنائے گئے عارضی سٹیج ہر ماڈلز نے جیل قیدیوں کے بنائے گئے ملبوسات کی نمائش کی

جیل کے صحن کو عارضی کیٹ واک میں تبدیل کر دیا گیا تھا اور چھت کے بجائے حفاظتی جنگلہ نصب تھا۔ جیل کے صحن میں ماڈلز نے کروشیا کاری سے بنے رنگ برنگے کپڑے پہن کر ان غیر معروف ڈیزائنرز کے کپڑوں کی نمائش کی۔

ان ملبوسات کو بنانے والے ڈیزائنرر دیوار کے لگ کر ایک دوسرے کے کام کی تعریف کرتے دکھائی دیئے۔ ان میں سے کچھ تو اس وقت بھی اپنی تازہ ترین تخلیقات پر کام کر رہے تھے۔

فیشن شو

AFP

سفید ٹی شرٹ اور خاکی پتلون پہنے یہ ڈیزائنرز جو جیل کی سرمئی رنگ کی دیوار کے ساتھ بیٹھے تھے، رنگوں کے حسین امتزاج کی عکاسی کر رہے تھے۔

فیشن شو

AFP

یہ غیر معمولی فیشن شو جیل کے قیدیوں کو کروشیا کی کشیدہ کاری کے فن کی تربیت دینے کے ایک پراجیکٹ کا حصہ تھا۔

یہ پروگرام برازیل کے فیشن ڈیزائنر گستاوو سلویسٹر نے شروع کیا جو گذشتہ تین برسوں سے چل رہا ہے۔

فیشن شو

AFP

اس پروگرام کا حصہ بننے والے قیدیوں کو خاص رعایت ملتی ہے! اس کورس میں 12 گھنٹے کام کرنے پر ان کی سزا میں سے ایک دن کی کمی کر دی جاتی ہے۔

فیشن شو

AFP

ان میں سے بہت سے قیدی منشیات کی سمگلنگ اور چوری جیسے جرائم کے لیے سزا کاٹ رہے ہیں۔ فلیپے سانٹوس ڈی سلوا نامی ایک قیدی نے فرانسیسی خبر رساں ادارے اے ایف پی کو بتایا کہ کروشیا کاری انھیں سکون دیتی ہے اور انھیں تمباکو نوشی اور منشیات کے استعمال پر قابو پانے میں مددگار رہی ہے۔

فیشن شو

AFP
ایک جیل قیدی کروشیا کاری سے بنے اپنے کام کو دکھا رہا ہے

41 سالہ فیڈلسن بورخیز نامی قیدی کا کہنا تھا کہ یہ فیشن شو ان کی خود اعتمادی کو بڑھاوا دینے میں مددگار ثابت ہوا ہے۔

چوری کے جرم میں قید بورخیز کا کہنا ہے کہ ’مجھے اپنے تخلیقی کام کی ماڈلنگ پر فخر ہے اور اس سے بھی زیادہ فخر کی بات یہ ہے کہ میرا کام لوگوں کو پسند آیا

تمام تصاویر کے جملہ حقوق محفوظ ہیں۔

Comments - User is solely responsible for his/her words

  •  
  •  
  •  
  •  
  •  
  •  
  •  
  •  
  •  
  •  
  •  
  •  

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 10467 posts and counting.See all posts by british-broadcasting-corp