وزیراعظم کی تقریر میں تکنیکی مسائل: سوشل میڈیا پر پاکستان ٹیلی وژن اور حکومت کے میڈیا مشیروں کی کارکردگی پر سوالیہ نشان
پاکستان کے وزیراعظم عمران خان نے منگل کی شب قوم سے خطاب میں ملکی قرضوں میں اضافے کی وجوہات جاننے کے لیے تحقیقاتی کمیشن بنانے کا اعلان کیا ہے۔
وزیراعظم عمران خان کا یہ خطاب پاکستان کے قومی نشریاتی ادارے پر نشر کیا گیا۔ اس خطاب کو نہ صرف تین بار وقت تبدیلی کے بعد رات گئے نشر کیا گیا بلکہ اس میں کئی تکنیکی مسائل بھی رہے۔ وزیراعظم کی تقریر کے دوران دو مرتبہ آڈیو غائب ہوئی اور سکرین بھی بلیک آؤٹ ہو گئی جس کے بعد سوشل میڈیا پر ایک نئی بحث چھڑ گئی۔
کسی نے قومی نشریاتی ادارے کی کارکردگی پر سوال اٹھائے تو کسی نے کہا کہ وزیراعظم کی تقریر کو سنسر کیا گیا ہے۔ جبکہ بڑی تعداد میں صحافیوں اور اینکرز نے وزیراعظم کے میڈیا مشیروں اور معاونین کی کارکردگی پر بھی سوال اٹھائے۔
صحافی اور اینکر سلیم صافی نے ٹویٹ کی ’تین مرتبہ وقت بدلنے کے بعد قوم سے مبینہ وزیراعظم کے خطاب میں ریکارڈنگ اور ایڈیٹنگ کے درجنوں بلنڈرز۔ جو شخص ایک درجن میڈیا ایڈوائزر رکھ کر قوم تک اپنا خطاب صحیح طریقے سے نہیں پہنچا سکتا، وہ ملک کیسے چلارہے ہوں گے؟خود ہی اندازہ لگا لیجیے۔ ویسے تبدیلی پسند آئی؟‘
تین مرتبہ وقت بدلنے کے بعد قوم سے مبینہ وزیراعظم کے خطاب میں ریکارڈنگ اور ایڈیٹنگ کے درجنوں بلنڈرز۔ جو شخص ایک درجن میڈیا ایڈوائزر رکھ کر قوم تک اپنا خطاب صحیح طریقے سے نہیں پہنچا سکتا ، وہ ملک کیسے چلارہے ہوں گے؟خود ہی اندازہ لگا لیجیے۔ ویسے تبدیلی پسند آئی؟
— Saleem Safi (@SaleemKhanSafi) June 11, 2019
عادل شاہ زیب نے بھی یہی بات کی کہ ’تین گھنٹے انتظار کے بعد پھر آڈیو غائب، لو کوالٹی فلمنگ اینڈ ایڈیٹنگ۔ اتنے ترجمانوں میں سے کسی میں یہ صلاحیت نہیں کہ وہ خطاب کو بھی ٹھیک سے مینیج کر پاتے؟‘
تین گھنٹے انتظار پھر آڈیو غائب، لو کوالٹی فلمنگ اینڈ ایڈیٹنگ۔ اتنے ترجمانوں میں سے کسی میں یہ صلاحیت نہیں کہ وہ خطاب کو بھی ٹھیک سے مینیج کر پاتے؟
— Adil Shahzeb (@adilshahzeb) June 11, 2019
سابق وزیراطلاعات مریم اورنگزیب نے ٹویٹ کی کہ ’عمران جس پی ٹی وی پر حملہ کیا تھا آج اس نے بھی بدلہ لے لیا۔‘
صحافی اور تجزیہ کار مبشر زیدی نے ٹوئٹر پر قومی نشریاتی ادارے کو مخاطب کرتے ہوئے لکھا: ’یار خدا کا خوف کرو پی ٹی وی والو۔ کیا ایک غلطی کافی نہیں تھی۔ وہ وزیراعظم ہیں۔‘
Yaar Khuda ka khouf karo PTV walo. As if one gaffe wasn't enough. He's PM
— Mubashir Zaidi (@Xadeejournalist) June 11, 2019
اینکر منصور علی خان نے ٹویٹ کی کہ ’نیا پاکستان بننے ہی والا تھا کہ آواز چلی گئی۔‘
نیا پاکستان بننے ہی والا تھا کہ آواز چلی گئی ۔۔۔
— Mansoor Ali Khan (@_Mansoor_Ali) June 11, 2019
حماد آر خانزادہ نامی صارف نے لکھا ’ مجھے یقین ہے کہ وزیر اعظم کی تقریر کو پی ٹی وی کی کسی ٹیم نے ریکارڈ نہیں کیا۔ میں نے پی ٹی وی کے ساتھ کام کیا ہے اور خاص طور پر پیغام کی ریکارڈنگ میں ان کی فریمنگ، ریکارڈنگ اور ایڈٹنگ میں بہت احتیاط برتی جاتی ہے۔ وہ بہت پروفیشنل ہیں۔‘
I believe that the PM's speech was not recorded by any team from#PTV. I've worked very closely with PTV, especially when it comes to message recordings and they are meticulous in their framing, recording and editing. Thorough pofessionals @PTVNewsOfficial @WorldPTV
— Hammad R. Akhunzada (@HammadAkh) June 12, 2019
کاشف کنگ نامی صارف نے طنز کرتے ہوئے لکھا ’ پی ٹی وی کو اس کا کام بتانے کے لیے پہلے ہائی پاور کمیشن بنایا جائے۔‘
High power commission to take #PTV to the task first.
— Kashif King (@enigmaticsindhi) June 11, 2019
ایک صارف نے اپنے فیس بک اکاؤنٹ پر لکھا ’پی ٹی وی سونامی کا شکار ہوگیا۔‘
سعید علی شاہ نے مزاحیہ انداز میں ٹویٹ کیا ’ پی ٹی وی میں ہلاکتوں کا خدشہ ہے۔‘
Casualties feared in #PTV
— Syed Ali Shah (@alishahjourno) June 11, 2019
راجہ فیصل نے اس غلطی پر پی ٹی وی کے تمام ملازمین کو فارغ کرنے کا مشورہ دیا۔
Sack all the politically inducted employees!
— Raja Faisal 🇵🇰 (@RajaFaisalPK) June 11, 2019
ذیشان سعید نے قومی نشریاتی ادارے کی کارکردگی کے بارے میں لکھا ’یہ حال ہے ہمارے ’ریاستی چینل‘ کا۔‘
The level of our ‘state channel’! 🤦🏻♂️ #PTV
— Zeeshan Saeed (@Zshansd) June 11, 2019
ایک نجی ٹی وی چینل کے ڈائریکٹر نیوز محمد عثمان نے اپنے فیس بک پر لکھا ’لگتا وزیراعظم صاحب کی تقریر پیمرا کی ہدایت کے مطابق ڈیلے میکانزم لگا کر سرکاری ٹی وی پر نشر کی گئی ہے۔ اس بات کی تحقیق ہونی چاہیے کہ وزیراعظم کی تقریر کے کون سےجملوں کی آڈیو بند کی گئی۔‘
حسن کمال نے بھی کچھ ایسا ہی لکھا ’وزیراعظم کی تقریر کو سنسر کیا گیا ہے۔‘
https://twitter.com/hassankamal670/status/1138527824824950785
بی بی سی نے جب اس معاملے پر وزیر اعظم عمران خان کے میڈیا ایڈوائزر اور پی ٹی وی کے سابق ایم ڈی یوسف بیگ مرزا سے رابطہ کیا تو انھوں نے یہ کہتے ہوئے بات کرنے سے انکار کر دیا کہ یہ مشیر اطلاعات فردوس عاشق اعوان کی ذمہ داری تھی۔
تاہم وزرات اطلاعات کے ایک اہلکار نے نام ظاہر نہ کرنے کی شرط پر بی بی سی کو بتایا کہ وزیر اعظم کی تقریر ایک نجی کمپنی سے ریکارڈ کروائی گئی تھی۔ جس کے پاس ہائی ڈیفنینیشن (ایچ ڈی) کیمرے تھے تاہم اس کے ساتھ پی ٹی وی کے عملے کو بھی وہاں طلب کیا گیا تھا۔
اہلکار کے مطابق وزیر اعظم کی تقریر کی ریکارڈنگ کرنے کے بعد اس کی کاٹ چھانٹ کر کے کارڈ پی ٹی وی کے عملے کو دے دیا گیا۔ وزیر اعظم کی تقریر چونکہ پہلے ریکارڈ ہو چکی تھی اس لیے تنکیکی وجوہات کی بنا پر عمران خان کی تقریر کا وقت تبدیل کیا جاتا رہا۔
وزارت اطلاعات کے اہلکار کے مطابق پی ٹی وی کے پاس ایچ ڈی کیمرے کی سہولت نہیں ہے اور وزیر اعظم کے خطاب کے دوران پی ٹی وی پر ان کی آواز بند ہوتی رہی۔
دوسری جانب وزارت اطلاعات کے حکام نے پی ٹی وی کے اس عملے کو طلب کیا ہے جو وزیر اعظم کی تقریر کے دوران ڈیوٹی پر تھا۔
- مرنے سے قبل چند افراد کو اپنے وہ پیارے کیوں دکھائی دیتے ہیں جو پہلے ہی مر چکے ہوتے ہیں؟ قریب المرگ افراد کے تجربات - 18/04/2024
- یوکرین جنگ میں 50 ہزار روسی فوجیوں کی ہلاکت: وہ محاذِ جنگ جہاں روسی فوجی اوسطاً دو ماہ بھی زندہ نہیں رہ پا رہے - 18/04/2024
- دنیا کے دوسرے مصروف ترین دبئی ایئرپورٹ کی کہانی: ’یہاں حالات بدترین نہیں بلکہ خطرناک ہیں، ہمیں جانوروں کی طرح رکھا گیا ہے‘ - 18/04/2024
Facebook Comments - Accept Cookies to Enable FB Comments (See Footer).